Les rapporten frå spørjeundersøkinga i september (PDF, 3 MB)

Litt om utval av personar

Undersøkinga vart sendt ut til totalt 4198 personar i kommunen.  Av dei vart 4000 trekt tilfeldig, og 198 har tidlegare meldt interesse i å delta i eit panel som får spørjeundersøkingar frå Kinn kommune. Samla sett var det ein svarprosent på 23 prosent og 962 svar. Alle spørsmål har vore frivillig å svare på og tal svar vil difor variere.

Inndeling av spørjeundersøkinga og opne svar

Spørjeundersøkinga var delt inn i ulike tema, med påstandar respondentane skulle rangere på ein skala frå 1 til 5 - der 1 er “Heilt ueinig” og 5 “Heilt einig”. 

Rapporten er også delt inn tematisk på følgande måte:

• Ting ein sjølv kan gjere for å betre lokalsamfunnet
• Erstatning av kommunen sitt omsorgstilbod
• Levande byar
• Bustadar
• Skulestruktur
• Framtidsretta forvaltning av areala

Til slutt i spørjeundersøkinga kunne respondentane svare på nokre opne spørsmål:

• Korleis kan du tenke deg å bidra i ditt lokalsamfunn?
• Kva kan innbyggarane gjere for at Kinn skal bli ein meir attraktiv kommune?
• Kommunen er avhengig av arbeidskraft i åra framover. Korleis kan vi både tiltrekke oss nye arbeidstakarar og halde på dei som bur her?

Vi ønskjer å takke alle som deltok og tok seg tida til å svare!