Podcast om samfunnsplanen med ordførar og kommunedirektør

Kanskje den viktigaste planen kommunen har er kommuneplanen, som er delt inn i to. Ein del er retta mot korleis vi skal utnytte arealet i kommunen, og ein annan er korleis vi skal utvikle oss som samfunn og organisasjon.

For å gjere dette på ein fornuftig måte må vi sjå på ulike data og finne trendar for korleis Kinn-samfunnet har utvikla seg dei siste åra. Det kan seie noko om korleis samfunnet ser ut i framtida, og kva vi må planlegge etter.

Du kan nesten kalle det for ei krystallkule der vi spår framtida basert på utvikling fram til i dag.

Noko vi ser er at vi blir færre yngre, og mange fleire eldre. Utflytting og færre fødslar gir oss fleire utfordringar vi må løyse i dag. Innan 2030 får vi 627 fleire personar over 67 år, og 499 færre barn i alderen 0-15 år.

Korleis skal vi møte slike utfordringar? Det veit vi ikkje endå, men vi vil løyse dei i lag med deg. Difor er det viktig at du får moglegheita til å påverke og medverke til prosessen og dei løysingane vi skal finne.