Forslag til alternativ for vegtrasé - frist forlenga til 6. september
Det er utarbeidd eit forslag til alternativ trasé for offentleg tilkomstveg, der trasé for tilkomstveg er trekt lenger nord enn vist på opprinneleg høyringsforslag til plankart. Som følge av forslag til justering av vegtrasé, må også lokalisering av offentleg vass- og avløpsanlegg (o_VA1) justerast. Justert vegtrasé mot nord vil og innebere eit større areal for anna veggrunn (AVG), for å fange opp eit større behov for areal til skjering/fylling når veg vert lagt langs nordenden av planområdet. Forslag til alternativ vegtrasé skal elles ikkje endre areal/føremål eller omsynssoner innanfor planområdet eller andre planavgrensing.
Sjå plankart for alternativ vegtrasé her.
Høyringsfristen vert forlenga til 6. september 2024.
Formål med planarbeidet
Formålet med reguleringa er å leggje til rette for vidareutvikling av eksisterande industriområde, samstundes som ein justerer vegtraseen for offentleg veg for å betre trafikktryggleik og logistikk innanfor området.
Overordna arealplan og konsekvensutgreiing
Reguleringsplanarbeidet er i samsvar med overordna kommunedelplan for Florelandet – Brandsøy. Reguleringsplanarbeidet utløyser krav om konsekvensutgreiing etter forskrift om konsensutgreiing §6, vedlegg I, punkt 8b) og punkt 24, samt vedlegg II, punkt 11k).Det er utarbeidd konsekvensutgreiingar for tema landskap, friluftsliv, naturmangfald, samt marint naturmangfald.
Høyring og innspel
Planframlegget er tilgjengeleg for gjennomsyn i tidsrommet 06.06.2024 – 23.08.2024
Eventuelle merknader/innspel kan sendast på elektronisk høyringsskjema. De kan og sende merknader/innspel i post til Kinn kommune, Postboks 294, 6701 Måløy, eller via e-post til post@kinn.kommune.no, seinast 6. september 2024.
Sakshandsamar: Martin Sørland Barlla, tlf. 57 75 60 00.
Planframlegget med relevante dokument kan sjåast ved å klikke på vedlegga under.
Planframlegg og andre dokument til saka