Planområdet består i dag av tettbygd industri med tilhøyrande tankanlegg etablert langs Ulvesundvegen, Fv. 5718, på begge sider. Resten av planområdet består hovudsakleg av fylkesveg med tilhøyrande gang- og sykkelveg, saman med eit urealisert steinbrot og masseuttak på austsida av fylkesvegen.
Føremål med reguleringa og skildring av planforslaget
Formålet med reguleringa er å leggje til rette for utfylling i sjø for utviding/etablering av næring/industriareal i sjø ved eksisterande anlegg for Pelagia Måløy Sildoljefabrikk. Nytt landareal vil utgjere ca. 8.600 m2 med eit fyllingsvolum på ca. 60.000 m3. Planforslaget legg også opp til betra tilkomst frå fylkesvegen.
Overordna arealplan og gjeldande reguleringsplanar
Gjeldande arealdelen til kommuneplanen er av eldre dato (2002). Store delar av området var her foreslått til noverande industri og bustad, men unntatt rettsverknad, der reguleringsplan for Ivahavet av 03.11.1994 skulle gjelde. I reguleringsplanen for Ivahavet (PlanID 1439199405), er også store delar av arealet regulert til industri, men med mindre omfang enn det planforslaget legg opp til.
Planforslaget kjem og i berøring med gjeldande reguleringsplan for Trollebø av 20.03.1996, der areal som er regulert til industri/fjellhall no vert foreslått til LNF. Endringa inneber at det kan etablerast ny intern tilkomst/anleggsveg frå nordaust til industriarealet på austsida av fylkesvegen, samstundes som fjellhall ikkje lenger er eit aktuelt tiltak i området.
Kommunen har i prosess rullering av kommuneplanens arealdel, der første planforslag var utlagt til offentleg høyring i 2023. I dette planforslaget var landareala foreslått avsett til næring, NÆ018, med krav om regulering ved større endring/utbygging. Kommuneplanens arealdel er under justering etter 1. gongs høyring, og nytt forslag vil bli lagt på 2. gongs offentleg høyring i 2025.
Konsekvensutgreiing
De er vurdert at planarbeidet utløyser krav om konsekvensutgreiing etter konsekvensutgreiingsforskrifta § 8, jfr. §10, Vedlegg II, pkt. 11 k) (Deponi for masse på land og i sjø større enn 50 dekar eller 50 000 m3 masse) , og kan få vesentlege verknader for miljø eller samfunn. I planarbeidet er følgjande tema konsekvensutgreidde (jfr. kap. 7 i Planomtalen): Landskap, Naturmangfald, friluftsliv inkl. strandsone/sjø/vassdrag, støy, ureina grunn og vassmiljø.
Offentleg høyring og frist for innspel
Planframlegget er tilgjengeleg for gjennomsyn i tidsrommet 14.02.2025 – 31.03.2025.
Eventuelle merknader/innspel kan sendast til kommunen på elektronisk høyringsskjema. De kan og sende merknader/innspel i post til Kinn kommune, Postboks 294, 6701 Måløy, eller via e-post til post@kinn.kommune.no, seinast 31. mars 2025.
Sakshandsamar: Janicke Svendal, tlf. 57 75 60 00.
Planframlegget med relevante dokument kan sjåast ved å klikke på vedlegga under