Handsaming av byggesøknadar kan ta litt tid avhengig av kva du skal bygge – og spesielt når mange sender inn søknadar på same tid. Entreprenørane får også mange førespurnader på sommartid. Er du tidleg ute unngår du forseinkingar og sikrar at prosjektet ditt kan starte i god tid før sommaren.

Kva bør du sjekke?

Før du sender inn søknad er det viktig å sjekke reguleringsplanar og andre lovkrav i plan- og bygningslova. Nokre mindre tiltak kan vere unnateke søknadsplikt, men dette er lurt at du sjekkar i forkant.

På heimesida vår har vi ei hjelpeside som kan gi deg svare på slike ting. Der får du også moglegheita til å bestille time hos sakshandsamar, eller du kan bruke skjema for å sende inn spørsmål til byggesaksavdelinga.

Gå til artikkelen på heimesida vår her

Søknadsprosessen

Søknaden kan du sende inn via heimesida vår, eller få ein fagperson til å gjere det for deg. Om du treng hjelp kan du kontakte byggesaksavdelinga for rettleiing.

Start planlegginga no, så er du klar til sommaren!