Høyring: Reguleringsplan for undervisningsbygg og utviding av Måløy vidaregåande skule

Vestland fylkeskommune ønskjer å bygge ut Måløy Vidaregåande skule og fagskulen på Vestlandet avdeling Måløy. Det er behov for auka klasseromkapasitet, og ønskje om å legge til rette for å styrke kompetansen innafor akvakultur. Detaljreguleringsplanen legg til rette for ei trinnvis utbygging av undervisningsbygg ved maritim avdeling på Måløy vidaregåande skule, samstundes som den tek omsyn til kulturminne og friluftsområde på Nygårdstangen og ålegraseng i sjøen nord for området.

Plan og miljøutvalet har i sak.nr. 031/25 godkjent at framlegg til Privat detaljregulering for Detaljregulering Nygårdstangen, gbnr. 309/12, 157, offentleg formål, planID 20230004, vert utlagt til offentleg ettersyn i samsvar med plan- og bygningslova § 5-2, § 12-10.

Overordna arealplan og konsekvensutgreiing

I kommuneplan for Vågsøy kommune 2002-2014 er området avsett til arealformål «offentlege bygningar» og «friområde». Området har omsynssone «unntatt rettsverknad» som betyr at det er reguleringsplanen for området (Reguleringsplan for Tennebø, plan-ID 1439199303) som gjeld. Området er også omfatta av krav om reguleringsplan ved nye tiltak.

Planforslaget er vurdert i samsvar med plan- og bygningslova kapittel VII «Konsekvensutredninger», med tilhøyrande forskrift. Tiltaket fell ikkje inn under oppfangskriteria i forskrifta og skal derfor ikkje konsekvensutgreiast.

Offentleg høyring og frist for innspel

Planframlegget er tilgjengeleg for gjennomsyn i tidsrommet 19.06.2025 - 22.08.2025.

Eventuelle merknader/innspel kan sendast til kommunen på elektronisk høyringsskjema. De kan og sende merknader/innspel i post til Kinn kommune, Postboks 294, 6701 Måløy, eller via e-post til post@kinn.kommune.no, seinast 22.08.2025.

Planframlegget med relevante dokument kan sjåast ved å klikke på vedlegga under.

Sakshandsamar: Heidi Dyrøy, tlf. 941 55 052.

Planframlegg og andre vedlegg til høyringa

Publisert 18.06.2025 07.20
Sist endra 18.06.2025 07.20