125 000 kroner fordelt til sosial utjamning i KinnLytt til tekstenStopp avspillingKinn kommune har tildelt 125 000 kroner i tilskot til frivillige lag og organisasjonar som arbeider med sosial utjamning. Midlane skal bidra til at fleire innbyggarar får delta i fritidsaktivitetar og møteplassar som er opne og inkluderande.Kvifor delar kommunen ut desse midlane?Tilskotsordninga for sosial utjamning er oppretta for å støtte lag og organisasjonar som driv med aktivitetar for barn, unge og andre grupper i befolkninga. Målet er å redusere forskjellar og sikre at fleire får ta del i eit sosialt fellesskap – uavhengig av økonomi eller bakgrunn.Det blir delt ut 250 000 kroner i året, fordelt på to søknadsrundar – ein på våren og ein på hausten. Søknadsfristen for våren gjekk ut 24. februar, og i denne tildelinga er det fordelt 125 000 kroner.Du kan lese meir om tilskotsordninga for sosial utjamning her.Slik blei søknadane vurderteDet er kommunen som vurderer søknadane og fordelar midlane administrativt, etter fastsette kriterium. Opne og faste aktivitetar blir prioriterte framfor enkeltståande arrangement. I vurderinga ser ein også på budsjett, medlemstal og korleis aktiviteten bidreg til inkludering.Desse fekk støtte våren 2025 Sosial utjamning tildeling 2025 Namn til mottakar Tiltak Sum Florø sanitetsforening Svangerskap og babytreff 15 000 Florø sanitetsforening Onsdagstreff 6000 Florø sanitetsforening Språk med liv og lyst 4000 Måløy kunstlag Språkkafé med maling, strikk og spel 10 000 Flora Røde kors Språkkafé 5000 Flora Røde kors Besøksteneste Eikefjord 5000 Flora Røde kors Zumba 5000 Flora Røde kors Damegruppa 5000 Friskis og svettis Florø Trening 10 000 Hageselskapet Vågsøy Hagelag Dyrking og aktivitet 5000 Viltkoret Koraktivitet 5000 Florø sportsklubb - Handball Gratis ferietilbod 25 000 Florø sportsklubb - Fotball Cup og turnering 15 000 Pass It On Stova møteplass 10 000 Publisert 08.04.2025 13.54 Sist endra 08.04.2025 13.55