Har du fått lån av Kinn kommune til din bustad, vil du finne generell informasjon om renter og tilbakebetaling.
Om rentevilkår
Kinn kommune følgjer Husbanken sine rentesatsar med eit påslag på 0,25%. Lånet vert gitt med flytande eller fast rente på høvesvis 3, 5, 10 eller 20 års rentebinding. For opplysingar om rentesats kan du sjå Husbanken si renteoversikt.
Sparebanken Sogn og Fjordane (SSF) er vår eksterne låneforvaltar. Den tekniske handteringa av kommunen sine låneordningar vert forvalta av SSF. Det betyr at SSF tar seg av utbetaling av lån frå kommunen når du har kjøpt bustad, inkludert fakturering, purring, inkasso og generelle førespurnader om lån. Du kan kontakte SSF på tlf. 57 82 97 00, eller SSF - skriv til oss. Du kan også kontakte SSF for spørsmål om:
- avtale om overgang mellom fast og flytande rente
- kortere nedbetalingstid på bustadlånet
- innløysing og ekstraordinær innbetaling på bustadlånet
- betalingsutsettelse
Overføring av lån til annan lånetakar
Søknad om overføring av lån til ny lånetakar grunngjevast vanlegvis med samlivsbrot, og at ein av lånetakarane difor ønskjer å ta over bustaden og låneansvaret åleine. Lånet er ofte gitt med bakgrunn i to inntekter, og det kan vere vanskeleg å betene bustadlånet åleine. Dersom ein av lånetakarane skal ta over bustadlånet åleine, må det dokumenterast at ein kan betene lånet, i lag med andre utgifter som husleige, straum, livsopphald og annan gjeld.
Gebyr
Det vert berekna gebyr for endring av betalingsplan, og for overføring av lån. Gebyra vert fakturert av SSF i saman med lånet.