• Husleige skal betalast den 20. kvar månad. Benytt kontonummer 3705.39.85794 og KID-nummer som følg fakturaen.
• Det kan vere lurt å opprette avtalegiro. Då veit du at husleiga vert betalt i tide. Banken din kan hjelpe deg med å opprette avtalegiro.
• Om du ikkje har fått faktura må du kontakte bustadadministrasjonen på telefon: +47 902 54 992, opningstider: 12.30–15.00 tysdagar og torsdagar.

Kva skjer om du er forsinka med betalinga?

• Om du ikkje betalar husleige innan fristen vil du etter 15-20 dagar få eit inkassovarsel med purregebyr.
• Om du ikkje betalar dette går husleiga til inkasso med høgare gebyr.
• Om du ikkje betalar husleiga, risikerer du å bli kasta ut.
• Ta gjerne kontakt med bustadkontoret om du har spørsmål om betaling av det du skulda.

Kontakt oss på telefon: +47 902 54 992 (kl. 12.30–15.00, tysdagar og torsdagar)
eller e-post: bustadkontoret@kinn.kommune.no

Når du bur i kommunal bustad har du ansvar for å overhalde husordensreglane som er satt. Reglane skal bidra til at både du og dine naboar skal trivast, og for å forhindre skade på eigedomen. Bur du i eit burettslag eller eit sameige er det deira reglar som gjeld.

Kinn Kommune sine husreglar for kommunale bustader

1. Kvar leigetakar pliktar å sørgje for ro og orden i leiligheita si, og for at leiger sjølv, leigeren sin husstand, framleietakere samt alle som har adgang til leiligheita eller eigendommen for øvrig ikkje skapar ubehag eller ulempe for nokon
2. Musikk, radio, TV, eller noko som medfører støy – utan spesiell tillatelse – må ikkje høyrast i tida frå kl. 23.00 til kl. 07.00.
3. Ytterdører skal vere låst frå kl. 23.00 til kl. 07.00 om ikkje anna er avtalt.
4. Banking av tepper og risting av klede må gjerast på dertil eigna plass.
5. Bruk av fellesareal: etter bruk skal einkvar sørgje for at alt er i god skikk og orden.
6. I vintertida gjeld følgjande:
   - Kjellervindauger må haldast godt tillukka slik at frysing vert unngått.
   - Romma må haldast tilstrekkeleg oppvarma slik at frysing av vatn- og kloakkledningar vert unngått.
   - Leigetaker(e) er sjølv ansvarleg for snømåking og eventuelt sandstrøing.
7.  I sommertida gjeld følgjande:
   - Ventilar på kjellervindaugene bør stå opne slik at kjeller blir godt gjennomlufta.
   - Luftventilar på vindauge i heile huset bør også haldast opne for å sørgje for god ventilering.
   - Vedlikehold av tilhøyrande plen, blomsterbed og hekk er leigetakar sitt ansvar.
8. Bilar, syklar eller andre køyretøy må ikkje parkerast utanom anviste plassar uten skriftleg løyve frå utleiger.
9. På gårdsplass, i oppgangar, kjellergangar og liknande er det ikkje tillatt å lagre varer/gjenstandar. Alle naudutgangar skal haldast fri for hindringar.
10.   Avfall må leggast i dei korrekte kjeldeesorteringsbehaldarane, og pass samstundes på at lokka er lukka skikkeleg:
    - Brun: Våtorganisk avfall (mat, tørkepair m.m.)
    - Svart: Restavfall
    - Blå: Vanleg papir, aviser og tomme melkekartonger
    - Raud: Glas- og metallembalasje
    - Plastsekk: Plastavfall 
11.   Bustaden må ikkje skadast. Dersom fast inventar vert fjerna (eksempel gardinstenger, ovnar, innebygde kvitevarer etc.) blir leigetakar erstatningsansvarleg. Det er forventa at leigetakar behandlar bustaden på ein god måte.
12.   Gang- og trappevask: Alle leigetakarar er pliktig å reingjere gang og trappeareal etter fastsatte uker.

Hugs: Orden, reinslegheit og vennleg åtferd skapar hygge og trivsel!

Vi justerer husleiga kvart år:

• Etter eitt og to år aukar husleiga i samsvar til prisveksten elles i samfunnet. Dette blir kalla indeksregulering og inneber vanlegvis ei lita endring i husleiga.
• Kvart tredje år justerast husleiga i samsvar til korleis leiga har endra seg i marknaden. Dette blir kalla for gjengs leige-regulering, og inneber som oftast ein litt større endring i husleiga.

Du får vite at det kjem ei endring i husleiga eit halvt år i forvegen. Den nye husleiga får du vite om to månader før. Viss endringane gjer det vanskeleg for deg å betale husleiga, kan du søke om statlig bustøtte eller kommunal bustøtte.

Vi jobbar heile tida med å sikre våre kommunale bustader mot brann, men det er og viktig at du som bebuar hjelper oss.

1. Det skal bytast batteri i røykvarslarane minst ein gong i året, gjerne 1. desember som er røykvarslarens dag. Du bør og teste varslarane dine jamt ved å trykke på testknappen.
2. Alle bustadar er utstyrt med eit brannsløkkingsapparat. Alle som bur i kommunale bustader har ansvaret for å sjekke at pila på apparatet peikar på det grøne feltet. 
3. Alle apparat vert kontrollert 1 gang i året, med ein service på apparatet etter 5 år.
4. Eit særs viktig ansvar er å reingjere kjøkkenvifta frå brannfarleg feitt. Kjøkkenvifta si oppgåve er å fange opp feittet frå matlaginga og vifta må då reingjerast jamt for å sikre bustaden mot brannfarleg feitt.
5. Ring brannvesenet på telefonnummer 110 dersom det brenn.

Kinn bustadkontor 

E-post: bustadkontoret@kinn.kommune.no (måndag–fredag kl. 08.00–15.30)
Telefonnummer: +47 902 54 992 (tysdag og torsdag 12.30–15.00)

Ved andre førespurnadar: Kinn Sentralbord

Telefonnummer:+47 57 75 60 00 (kl. 09.00-15.00 måndag–fredag)

Nødetatar

Brannvesen: 110
Politi: 112
Ambulanse: 113