Ordninga er finansiert gjennom spelemidlar, og skal bidra til eigna lokale, bygningar og utearenaer som gjev rom for ulik kulturell verksemd. Bygningane skal i størst mogleg grad fungere som kulturelle møtestader for alle grupper.
Du kan søkje om tilskot til kulturhus, fleirbrukslokale eller spesiallokale for kunst og kultur, som bibliotek, bygg for museum eller andre kulturverntiltak, scenekunstlokale, konsertsal eller formidlingslokale for biletkunst. Tilskot kan og gjevast til etablering av livssynsnøytrale seremonirom.
Midlane kan nyttast til nybygg, ombygging og modernisering av kulturbygning, men ikkje til vedlikehald eller drift. Om det vert bruksendring før 20 er gått kan heile eller delar av tilskotet bli krevd tilbakebetalt.
Vestland fylkeskommune lyser også ut ordninga tilskot til kulturarenaer med regionale funksjonar.
Det kan komme endringar i retningslinjene.
Kven kan søkje?
Frivillige lag og organisasjonar, kommunar og fylkeskommune kan søkje på ordninga. Andre lag, organisasjonar og selskap kan også søkje, avhengig av vedtektene til laget.
Spelemidlar skal ikkje gjerast om til forteneste for private fortenestebaserte aktørar.
Korleis søker du?
Alle søknader for spelemidlar skjer elektronisk via nettsida Anleggsregisteret.no
På nettsida til Anleggsregisteret finn du også alt du treng å vite om søknadsprosessen.
Du finn også nyttig informasjon på Vestland Fylke sine sider på denne lenka,https://www.anleggsregisteret.no/anlegg-for-idrett-og-fysisk-aktivitet/
For å kunne levere ein best mogleg søknad kan du kontakte kommunen. Då får du rettleiing og råd i søknadsprosessen.
Ansvarleg for ordninga i Kinn kommune er :
Sander Ødelien, e-post: sander.odelien@kinn.kommune.no (sør) og Ronny Silden Totland, e-post: ronny.totland@kinn.kommune.no (nord).
Desse vedlegga må følgje søknaden
· Vedtekter for bruken av bygget/arenaen.
· Skriftleg presentasjon av tiltaket, inkludert ei behovsvurdering, framdriftsplan og plan for bruk og drift av kulturbygget.
· Teikningar av bygget/lokala eller utandørs kulturarena.
· Dokumentasjon på rett til bruk av eigedom/anlegg i minimum 20 år.
· Detaljert kostnadsoverslag for tiltaket. Administrasjonskostnader kan maksimalt utgjere 5 prosent av godkjend totalkostnad.
· Finansieringsplan, som gjer greie for finansieringa av dei samla kostnadane med tiltaket. Søknaden må vere fullfinansiert.
· Dokumentasjon på finansiering kan t.d. vere gjennom, bankutskrift som dokumenterer eigenkapital, lånetilsegn, vedtaks-/tildelingsbrev ved tilskot, gåvebrev eller dokumentasjon av dugnadsverdi signert av kvalifisert fagperson.
Søknadsfrist
Fristen for å søke om tilskot til kulturbygg er 15. februar.
Tips til arbeidet med søknad
· Søknad om tilskot til kulturbygg er omfattande og krev mykje dokumentasjon. Sett derfor opp ein tidsplan for arbeidet og sørg for avklarande styrevedtak for gjennomføring av prosjektet.
· Grunneigarforhold må være avklart.
· Finansiering må være på plass
· Avklar med plan- og bygningsavdelinga i kommunen om tiltaket krev ulike løyver.
· Hald orden på prosjektrekneskapet frå første dag, sjølv om du ikkje har fått tilsegn om støtte. Baser rekneskapen på søknaden, det gjer det lettare ved rapportering.