Om eininga, skjema og retningsliner
I lenkene nedanfor finn du meir informasjon om eininga, søknadsskjema og retningsliner.
Søknadsskjema - Personleg koordinator, barnekoordinator og individuell plan (elektronisk)
Søknadsskjema - Personleg koordinator, barnekoordinator og individuell plan (papirversjon)
Samhandlingsrutinar
Samhandlingsrutinen "Samarbeid i elektronisk individuell plan - samspill" skal sikre gode rutiner for at koordinator og/eller behandlar medverkar i brukar sin individuelle plan:
Oppfølgingsteam og koordinator
Personar med store og samansette behov med hjelp frå to eller fleire tenester har rett til å få tenestene sine koordinerte. Mange av desse brukarane har behov for oppfølgingsteam. Oppfølgingsteamet er «laget rundt brukaren», som skal sørge for at tenestene sin innsats er koordinert mot brukar sine mål. Samansetnaden i oppfølgingsteamet er dynamisk utifrå brukaren sine behov.
Oppfølgingsteamet vert leda av brukar sin koordinator. Koordinator skal ikkje overta oppgåver som ligg til tenestene, men sørge for naudsynt koordinering av det samla tenestetilbodet. Konkret er koordinator si rolle å kalle inn «laget rundt brukaren» (oppfølgingsteamet), og sørge for at det vert skrevet møtereferat / plan for vidare oppfølging med ansvarsplassering og avklaringar fram mot neste møte. Mal for møtereferat/plan ligg i Flyt Samspill, og i CosDoc.
Fastlegen har ei medisinskfagleg koordineringsrolle. Barnekoordinator er ei spesialregulering av koordineringsplikta og gjeld ovanfor familiar som har, eller ventar born med alvorlege funksjonsnedsettingar eller helseutfordringar. Rammer for strukturert tverrfagleg oppfølgingsteam føl lovkrav om individuell plan, koordinator og barnekoordinator. Omgrepet oppfølgingsteam erstattar i denne kontekst omgrepet ansvarsgruppe.
Individuell plan
Arbeidsmetodikken “Oppfølgingsteam” operasjonaliserar Individuell plan. Individuell plan er ei skjematisk oversikt over hjelpebehov og hjelpetiltak for kortsiktige og langsiktige mål for deg som brukar. Vi nyttar elektronisk Individuell Plan – Flyt Samspill som samhandlingsverktøy og kommunikasjonsplattform. Ingen tenesteytarar kan bli fritatt frå å nytte verktøyet – om brukar ønskjer verktøyet.
Individuell plan skal:
- Bidra til eit heilskapleg, koordinert og individuelt tilpassa tenestetilbod
- Tilpassast behova til den einskilde brukar.
- Sjå framover, og beskrive både langsiktige og meir kortsiktige mål.
- Vere eit levande verktøy for å vurdere og koordinere tiltak som kan bidra til å dekke brukaren sine behov.
- Bidra til å styrke samhandlinga mellom tenestene og brukar, eventuelt pårørande, og mellom tenesteytarar og etatar på tvers av forvaltningsnivåa.
- Utarbeidast ilag med brukar eller eventuelt pårørande.