Lovheimel
Klageveg
Klage etter pasient og brukerrettighetsloven § 7-2 med klagefrist 4 veker jf. §7-5.
KPR/IPLOS-registrering
Ja. IPLOS tenestetype 18 – Tidsbegrenset opphold – utgreiing/behandling. IPLOS kapittel 10 Rapportering av tjenester med definisjoner og rapporteringskrav.
Eigenbetaling
Ja. Brukar betaler eigenandel for korttidsopphald i institusjon jf. Eigendelsforskrifta og følgjer gjeldande «gebyr og betalingssatsar for Kinn».
Mål for tenesta/føremål
- Føremålet med opphaldet er å kartlegge brukar sitt funksjonsnivå og evne til eigenomsorg, samt vurdere behovet for framtidige tenester for at brukar skal kunne halde fram med å bu i eigen bustad.
- Er tidsavgrensa planlagde i opp til to veker.
Kriterium for tildeling
- Andre relevante tiltak i høve innsatstrappa skal på førehand vere vurdert og/eller utprøvd.
- Tildeling av teneste skjer på bakgrunn av søknad som vert handsama av tildelingseininga og som resulterer i einskildvedtak.
- Personar med samtykkekompetanse må sjølv ynskje tenesta.
- Tenestemottakar må ha eit tidsavgrensa behov for døgnkontinuerleg opphald for utredning og/ eller behandling.
- Ved behov for observasjon og vurdering må det først avklarast med lege om behovet er av ein slik art at nødvendig helsehjelp må ytast av spesialisthelsetenesta.
Praktiske opplysningar
- Det vert etter 60 døgn på korttidsopphald i løpet av året, kravd eigendel tilsvarande som for langtidsopphald i institusjon.
- Eigenbetalinga dekker kost, losji og legemiddel under opphaldet.
- Forlenging av korttidsplass og eventuelt endring til langtidsplass blir kontinuerleg vurdert under opphaldet.
- Den som tek imot korttidsplass må ha med seg naudsynt personleg utstyr, medisinar som ikkje er foreskrevet av lege og hjelpemiddel.
- Tenesteytar er ansvarleg for transport til og frå korttidsopphaldet.
- Fleire av institusjonane har utstyr til digitalt tilsyn.
- Det må gjevast skriftleg samtykke til bruk av digitalt tilsyn. Digitalt tilsyn kan gje forbetring i søvnkvalitet og kan redusere risiko for fall.
- Kommunen kan ta omsyn til eigen ressurs- og personalsituasjon ved val av tildeling av tenester og organisering av desse.
Forventningar til tenesteytar
- Tenesteytar skal opptre på ein respektfull måte.
- Legge til rette for at tenestemottakar får pleie og omsorg som støttar opp under eigenomsorg og eigne ressursar.
- Følgje vedtaket.
- Lage ein plan for opphaldet i saman med tenestemottakar og eventuelt pårørande.
Forventningar til tenestemottakar
- Gjere seg kjend med innhaldet i vedtaket.
- Brukar utfører sjølv det han/ho meistrar.
- Sørge for at private klede er merka med namn.
Merknad
Les meir om opphald på sjukeheim her.