• Heildøgns tilsyn
• Einerom ved innvilga langtidsplass. Det er høve til å ta med private ting
• Høve til besøk når ein måtte ønskje det
• Naudsynt legehjelp og tilsynslegeordning
• Tilbod om gratis tannlegebehandling
• Tilbod om fysio- og ergoterapi etter ei fagleg vurdering
• Tilbod om frisør og fotpleie - betalingsteneste
• Tilbod om samtale med prest eller liknande
• Tilbod om musikkterapi

Du har rett på langtidsopphald når:

• du over tid ikkje er i stand til å ta vare på deg sjølv
• du ikkje kan få nok hjelp i heimen din eller annan stad utanfor institusjon

Korttidsopphald:

Du kan søkje om korttidsopphald på sjukeheim dersom du til dømes treng opptrening etter sjukdom eller nærare utgreiing.

Vi har tre typar korttidsopphald:

• Rehabiliteringsopphald: Tidsavgrensa opphald med plan laga i samarbeid med fysio-/ergoterapeut
• Vurderingsopphald: Tidsavgrensa opphald  for å vurdere funksjonsevna di og eventuelle tiltak som kan gjere kvardagen i eigen heim betre
• Avlastingsopphald: Når nære pårørande yter mesteparten av omsorga

Kommunal akutt døgnplass (KAD)

Tildelt etter eigne reglar. Tilbod når opphald i eigen kommune kan vere like godt eller betre enn sjukehusinnlegging.

• At du og dine pårørande blir behandla med respekt.
• At du får ein kontaktperson som har hovudansvar for den hjelpa som du mottar.
• At dei tilsette har nødvendig helsefagleg kompetanse. Nokre gonger er det assistentar, lærlingar og studentar som gjev deg hjelp. Dette er fordi vi er med på å utdanne nye helsearbeidarar.

Før du vurderer å søkje sjukeheimsopphald, har vi fleire hjelpetiltak som kan gjere at du fortsatt kan bu trygt og godt heime. Sjølv om din helsetilstand er redusert, og du føler deg utrygg eller må ha hjelp til  daglege gjeremål, er det ikkje sikkert du må flytte på sjukeheim.

Kommunehelsetenesta har ei rekke tilbod, avhengig av ditt behov for hjelp. Til dømes kan hjelpemidlar, både vanlege og velferdsteknologi, eller kvardagsrehabilitering bidra til at du kan bu lenger heime og klare deg sjølv.

Kommunen har plikt til å behandle søknaden din så snart som mogleg. Dersom det ikkje kan avgjerast innan 4 veker, skal du ha skriftleg melding om dette, med opplysningar om når du kan vente svar på søknaden.

Vurdering

Vi må kartlegge situasjonen din før søknaden kan svarast på.

Vi vil kontakte deg for å snakke med deg om søknaden, og avtale eit heimebesøk om det vert vurdert som naudsynt i høve til kartlegginga.

Du får beskjed om du får innvilga søknaden din, og kva teneste du får tildelt.

Dersom det kan tenkast at du blir utilfreds med vedtaket, vil du få ei særskilt grunngjeving. Dersom du ikkje får denne grunngjevinga, og du er misfornøgd med vedtaket, kan du få ei slik grunngjeving ved å kontakte leiar for tildeling. Dette må skje innan 3 veker etter du har mottatt brevet.

Kommunen kan krevje vederlag (betaling) for opphald på sjukeheim. Vederlaget er fastsett i statleg forskrift, sjå Forskrift om eigenandel i helse og omsorgstenesta.

Vedtak om institusjonsopphald kan klagast på. Lovheimel: Lov om pasient og brukerrettigheter §7-2.

Klagefristen er 4 veker etter du har motteke vedtaket jf. Lov om pasient –og brukerrettigheter §7-5.

Klaga må grunngjevast, og du må fortelle kva du ønskjer vedtaket omgjort til. Dersom du treng  hjelp og rettleiing, kan du vende deg til tildelingskontoret.  Kommunen pliktar å ta saka opp til ny vurdering. Dersom det ikkje vert gjeve medhald, vert klaga send til Fylkesmannen for vurdering og endeleg avgjerd.

Klaga skal sendast:

Kinn kommune v/ Tildeling helse og velferdstenester, postboks 294, 6701 Måløy.

Dette er ein lovpålagt teneste. Sjå blant anna Helse- og omsorgstjenesteloven § 3-2 og § 3-2a, og Pasient- og brukerrettighetsloven kapittel 7.

1. juli 2017 kom ei ny forskrift om kriterier for rett til sjukeheimsplass - Forskrifta kan du lese her

Kommunen pliktar å sørgje for denne tenesta. Sjå blant anna helse- og omsorgstenestelova § 3-2 og § 3-2a og pasient- og brukarrettslova kapittel 7.

• Prinsipp og kriterium for tildeling av tenester i Kinn kommune
• Helsepersonelloven
• Kvalitetsforskrift for pleie- og omsorgstjenestene
• Forskrift om egenandel for helse- og omsorgstjenester
• Forskrift for sykehjem
• Forvaltningsloven
• Helse- og omsorgstjenesteloven
• Pasient- og brukerrettighetsloven
• Verdighetsgarantiforskriften