Lovheimel
Klageveg
Klage etter pasient og brukerrettighetsloven § 7-2 med klagefrist 4 veker jf. §7-5.
KPR/IPLOS-registrering
Ja. IPLOS-tenestetype 1 Praktisk bistand: daglege gjeremål. IPLOS kapittel 4 – Funksjonsvariablene.
Eigenbetaling
Nei.
Mål for tenesta/føremål
- Tenestemottakar får hjelp til bistand personleg stell og eigenomsorg for å kunne bu i eigen heim lengst mogleg.
- Tenestemottakar er mest mogleg sjølvhjelpt ved bruk av eigne ressursar og hjelpemiddel.
Kriterium for tildeling
- Ein skal ha prøvd ut/vurdert tenester på eit lågare nivå i trappa før ein tildeler helsehjelp.
- Førebygge behov for andre tenester.
- Kvardagsmeistring og rehabilitering skal vurderast før noko anna.
- Tildeling av teneste skjer på bakgrunn av kartlegging av behov og/eller heimebesøk
- Innhente dokumentasjon frå eventuelt lege, fysio- og/eller ergoterapeut
- Søkjar må ha eit særleg hjelpebehov som følgje av sjukdom, funksjonshemming, alder eller anna.
- Har sviktande eigenomsorg:
- Har problem med å ivareta personleg hygiene, ernæring, forflytning m.m.
Praktiske opplysningar
- Tenesta vektlegg aktiv brukarmedverknad med mål om at brukar vert mest mogleg sjølvhjelpen.
- Heimen må vere best mogleg tilrettelagd for å yte omsorga, her meint følgje råd for tilrettelegging til dømes ta i mot hjelpemiddel for å meistre mest mogleg sjølv
- Eksempel på dette kan vere fjerne golvteppe, redusere møblar ta imot sjukeseng med meir.
- Omfang og type tenester vert vurdert etter individuelle behov og kva som er fagleg forsvarleg.
- Kommunen kan ta omsyn til eigen ressurs- og personalsituasjon ved val av tildeling av tenester og organisering av desse.
- Vedtaket beskriv innhaldet i og omfanget av tenesta.
- Brukar må bu eller opphalde seg i kommunen.
- Individuelt tilpassa ut frå brukar si funksjonsevne.
- Tildelt tid i vedtaket vert ytt slik ein finn det mest høveleg. Oppgåver kan bli utført over fleire dagar i løpet av ei veke.
- Alle som mottar helsetenester i heimen lenger enn 3 månader, ein gang pr. veke har rett på fri tannbehandling frå offentleg tannklinikk.
- Det er ulike måtar å evaluere tenesta på. Dette kan vere gjennom søknad, oppfølgingsteam, melding frå heimetenesta.
Oppgåver som tenesta ikkje inkluderer
- Praktiske gjeremål knytt til hushaldet t.d. reinhald, klevask.
- Transport av tenestemottakar t.d. følgje til lege, frisør etc.
Forventningar til tenesteytar
- Tenesteytar opptrer respektfullt i høve tenestemottakar.
- Tenesta vert gitt i samarbeid med brukar.
- Tenesteytar vektlegg prinsipp om hjelp til sjølvhjelp.
Forventningar til tenestemottakar
- Heimen skal vere lagt til rette for at heimetenesta får ein god arbeidsplass jf. arbeidsmiljølova.
- «Arbeidsmiljø i hjemmetenesten – en veileder».
- Tenestemottakar opptrer respektfullt i høve tenesteytar.
- Vere aktiv deltakar i eige liv.
Merknad
Les meir om heimesjukepleie her.