Omsorgsstønad
Lovheimel
Klageveg
Klage etter pasient og brukerrettighetsloven § 7-2 med klagefrist 4 veker jf. §7-5.
KPR/IPLOS-registrering
Ja. IPLOS tenestetype 11: omsorgsstønad.
Eigenbetaling
Nei. Tenesta er gratis.
Mål for tenesta/føremål
Omsorgsstønad er eit støttetiltak for pårørande som har eit særleg tyngjande omsorgsarbeid.
Omsorgsstønad er meint å gje økonomisk anerkjenning for det omsorgsarbeidet den private omsorgsytaren gjer, og kan givast i kombinasjon med eller i staden for andre helse- og omsorgstenester.
Kriterium for tildeling
Vilkåra er at
- omsorgsarbeidet er nødvendig
- det nødvendige arbeidet er «særleg tyngjande»
- både omsorgsmottakar og omsorgsytar ønskjer at omsorgsarbeidet skal halde fram
Moment som vert tatt omsyn til i vurderinga om omsorgsarbeidet er særleg tyngjande
- Omfanget av arbeidet.
- Fysisk og/eller psykisk belastning.
- Varigheit, fordeling over tid og når på døgnet.
- Omsorgsyter si livs-, arbeids- og familiesituasjon.
- Omsorgsplikt.
- Inntektstap (gjev ikkje automatisk rett på omsorgsstønad).
- Tildeling av teneste skjer på bakgrunn av søknad som blir handsama av tildelingseininga og som resulterer i einskildvedtak.
- Personar med samtykkjekompetanse må sjølv ynskje tenesta.
- Den hjelpetrengande må vere heimebuande.
- For barn må omsorga klart overstige den forventa omsorg for barn på same alder.
- Omsorgssituasjonen er forventa å vare over tid og skal gjelde nødvendige omsorgsoppgåver.
- Det er ein føresetnad at søkjar utfører omsorgsarbeid som elles ville høyre inn under helse- eller omsorgstenesta i kommunen.
- For at omsorgsstønad skal tildelast, må både kommunen og den som har behov for tenestene vurdere omsorgsytar si omsorgsevne som mest tenleg og naudsynt.
- Det må vere søkt om hjelpestønad frå NAV.
- Inntektstap gjev ikkje automatisk rett på omsorgsstønad.
- Det skal takast omsyn til om tildeling av omsorgsstønad er til det beste for den som treng hjelp.
- Omsorgsstønad må vurderast opp mot andre tenester og tiltak.
- Omsorgsstønad vert gitt for ei avgrensa tidsperiode og vert revurdert ved behov/endra omsorgssituasjon
- Omsorgsstønaden tek ikkje sikte på å godtgjere den som yt omsorg time for time, men er ein kompensasjon for meirarbeidet som vert gjort.
- Stønaden er skattepliktig inntekt.
- Det vil bli laga oppdragsavtale mellom omsorgsytar og kommunen.
- Stønaden gir ikkje rett til feriepengar eller løn under sjukdom.
- Hjelpestønad frå NAV kjem til fråtrekk ved utmåling av omsorgsstønad.
- Omsorgsstønad tek slutt med det same og utan skriftleg varsel når behovet til omsorgsmottakar vert borte. Stønad vil bli utbetalt to veker etter sluttdato.
Forventningar til mottakar av stønad og omsorgsmottakar
- Foreldre har ei naturleg og lovpålagt omsorgsplikt for sine barn inntil 18 år.
- Dersom omsorgsmottakaren vert teken inn i kommunen sine institusjonstilbod eller vert innlagt i private, fylkeskommunale eller statlege institusjonar, vil det ved opphald utover ei veke føreteke trekk i omsorgsstønaden.
- Stønadsmottakar pliktar å gje melding om slike mellombels opphald til oppdragsgjevar.
- Gje naudsynt informasjon, og samtykke til å innhente relevante opplysningar for vurdering og tildeling av tenesta.
- Sette seg inn i oppdragskontrakt.
- Sette seg inn i vedtak om omsorgsstønad.
- Omsorgsstønad vert ytt tilbake i tid, frå søknadstidspunktet.
Merknad
Omsorgsstønad er ei godtgjering til omsorgsytar, og ikkje stønad utbetalt som timelønn. Grunnlaget for utrekning av omsorgsstønaden er lågast assistentlønn.
Les meir om omsorgsstønad her.