Formål med reguleringa og skildring av planforslaget

Kinn kommune ønskjer å legge til rette for ny tilkomstveg til Kystmuseet. Utgangspunktet for ønskje er behov for betre framkomst for besøkande, varelevering, utrykking til Kystmuseet, og for å redusere gjennomgangstrafikken i det etablerte bustadområde som eksisterande trafikk til Kystmuseet går igjennom. 

Planframlegget tek sikte på å etablere ein veg som stettar krav etter nasjonale vegstandardar og å utbetre parkeringsmoglegheiter for enklare logistikkhandtering ved Kystmuseet. I same plan og i tilknyting til ny tilkomstveg vert det og foreslått å utvide nettverket av gangvegar med fortau ved sidan av den nye vegen. 

Overordna arealplan og konsekvensutgreiing

Kommunedelplan for Florølandet-Brandsøy er per i dag gjeldande for heile planområdet. Hovudprinsippa for dette området er i gjeldande kommunedelplan framtidig vegtilkomst til Kystmuseet og grøn struktur, og planframlegget er såleis vurdert til å vere i samsvar med kommunedelplanen. 

Offentleg høyring, tilhøyrande dokument og frist for innspel

Planframlegget er tilgjengeleg for gjennomsyn i tidsrommet 30.04.2026-14.06.2026.

Eventuelle merknader/innspel kan sendast til kommunen på elektronisk høyringsskjema. De kan og sende merknader/innspel i post til Kinn kommune, Postboks 294, 6701 Måløy, eller via e-post til post@kinn.kommune.no, seinast 14.06.2026. 

Planframlegget med relevante dokument kan sjåast ved å klikke på vedlegga under.

• Vedtak
• Plankart
• Føresegn
• Planomtale
• ROS-analyse
• Landskapsplan - illustrasjon
• Inspirasjonskatalog for gangveg 
• Vegteikningar
• Illustrasjon av plankart
• Arkeologisk registrering
• Naturmangfaldsrapport
• Miljøteknisk vurdering