Plan- og miljøutvalet har i sak 039/26 godkjent at framlegg til Privat detaljregulering for Deknepollen, gbnr. 305/69 m.fl – næring, veg, PlanID20240004, vert utlagt til offentleg ettersyn i samsvar med PBL § 5-2, § 12-10 og § 12-11. Planforslaget ligg til høyring i perioden 25. juni til 28. august.
Formål med reguleringa og skildring av planforslaget
Føremålet er å legge til rette for etablering av forretning på gbnr. 305/74, 305/69 og 305/68. Planarbeidet skal regulere tilkomst til rv.15 og ta omsyn til framtidig omlegging av kommunal veg til Myrane. Omlegginga skal redusere tal avkøyrsler langs rv.15. Reguleringsplanen skal og sikre gode løysingar for mjuke trafikantar.
I tilknytinga til rv. 15 og framtidig omlegging av kommunal veg til Myrane skal nytt vegkryss og tilkomstar, fortau, fotgjengarovergangar etablerast og endrast iht. krav frå Statens vegvesen. Dette inneber også bygging av eit venstresvingefelt når trafikken i krysset når ei bestemt storleik, jf. føresegnene.
Overordna arealplan og konsekvensutgreiing
Planforslaget er delvis i tråd gjeldande arealdel i kommuneplanen, der området er avsett til bustadføremål og næring.
I framlegg til ny kommuneplan som har vore på høyring er arealet avsett til forretningsverksemd, som er i tråd med framlegg til Privat detaljregulering for Deknepollen, gbnr 305/69 m.fl – næring, veg. Arbeidet med detaljreguleringa følger opp arbeidet gjort i forslag til ny kommuneplan.
Offentleg høyring og frist for innspel
Planframlegget er tilgjengeleg for gjennomsyn i tidsrommet 25.06.2026 til 28.08.2026.
Eventuelle merknader/innspel kan sendast til kommunen på elektronisk høyringsskjema. De kan og sende merknader/innspel i post til Kinn kommune, Postboks 294, 6701 Måløy, eller via e-post til post@kinn.kommune.no, seinast 28.08.2026.
Planframlegget med relevante dokument kan sjåast ved å klikke på lenkene under.
Plandokument