Plan- og miljøutvalet har i sak 073/25 godkjent at framlegg til Privat detaljregulering for Naustholmen Nord, gnbr. 27/86, Kai og hamneformål - planid 20250002, vert utlagt til offentleg ettersyn i samsvar med plan- og bygningslova (pbl)§ 5-2, § 12-10 og § 12-11.

Formål med reguleringa og skildring av planforslaget

Føremålet med reguleringsplanen er å sikre tilrettelegging for ferdsel i sjø og hamneaktivitet nord for Naustholmen. Planframlegget er tenkt å sikre naudsynt fleksibiliteten til å kunne utføre logistikkprosjekt knytt til havvind, samt auke kapasitet for blant anna undervassprosjekt.

Planframlegget skal sikre etablering av kai på nordsida av Naustholmen, samt formål i sjø på utsida som tek i vare naudsynt areal til hamn, manøvrering og farlei.

Planområdet omfattar formåla hamn (HOS) og farlei (F) i sjø, med føresegneområde #1, #2 og #3. Innanfor #1 kan det etablerast kai, innanfor #2 kan det utførast sidefortøying og akterfortøying av skip på gjevne vilkår, og  innafor #3 kan det etablerast dykdalber (fortøyningsinnretning).

Overordna arealplan

Planlagde tiltak er ikkje i samsvar med gjeldande arealdel til kommuneplanen av 2017. I gjeldande arealdel, er areal i planområdet sett av til «Bruk og vern av sjø og vassdrag med tilhøyrande strandsone». Planområdet er også omfatta av angitt omsynssone H560_1 Bevaring naturmiljø, omfattar område som har særleg verdi for naturmiljø og biologisk mangfald, inklusive gyteområde for fisk. Del av planområdet er berørt av H710_2 Bandlegging for regulering etter pbl. Det meste av dette området er i ettertid regulert til industriformål i privat detalregulering for Naustholmen, PlanID 1401 20160103, godkjent 18.12.2018. 

Kommunen har i prosess rullering av kommuneplanens arealdel, der nytt forslag no ligg ute til 2. gongs offentleg ettersyn. I dette høyringsforslaget er aktuelt planareal føreslått til ferdsel.

Konsekvensutgreiing 

Planarbeidet utløyser krav om konsekvensutgreiing(KU) etter KU-forskrifta §§ 8 og 10, vedlegg II, pkt. 13 Utviding eller endringar av tiltak nemnd i Vedlegg I og II som kan få vesentlege verknadar. Tiltaket er vurdert å vere ei utviding eller endring av vedlegg I punkt 8 a) og b):

1. Etablering av innlands vassvegar og hamner for trafikk på innlands vassvegar der skip over 1350 tonn kan segle
2. Nyetablering av farlei, hamner og hamneanlegg, der skip over 1350 tonn kan segle og anløpe.

I oppstartsmøte var det vurdert at fagtema Vassmiljø og Marint naturmangfald kan få vesentlege verknader av planlagde tiltak, og må konsekvensutgreiast.

Tilhøyrande plandokument

• Vedtak i plan- og miljøutvalet
• Merknadshandsaming
• Plankart
• Føresegner
• Planomtale
• ROS-analyse
• Konsekvensutgreiing
• Rapport - Stormflo og bølgjepåverknad
• Rapport - Forhold til farled og skipstrafikk
• Kystverket si vurdering
• Rapport - Kartlegging av marin naturmangfald, Årebrotsfjorden - Botnafjorden