Plan- og miljøutvalet har i saknr. 041/26 godkjent at framlegg til Privat detaljregulering for Slettevollholten, Brandsøy, 18/264, Næring, PlanID 20250007, vert utlagt til offentleg ettersyn i samsvar med PBL § 5-2, § 12-10 og § 12-11.
Formål med reguleringa og skildring av planforslaget
Føremålet med planen er å leggje til rette for etablering av garasje-/lagerbygg for privatpersonar og private verksemder med behov for lagringsplass i Florø. Planen skal sikre ei føremålstenleg utnytting av eigedomen, med vekt på gode løysingar for tilkomst, trafikktryggleik og tilpassing til omkringliggjande bustader.
Planforslaget opnar for oppføring av to garasje-/lagerbygg med totalt 15 einingar, fordelt på eitt større bygg med 11 einingar og eitt mindre med 4 einingar. Bygga vert plassert med eit asfaltert gardsrom imellom seg, og med tilkomst via den kommunale vegen på sørsida av eigedomen.
Det er lagt opp til to einvegskøyrde avkøyrsler (inn- og utkøyring) for å redusere behov for unødig manøvrering på eigedomen. Avkøyrslene vil ikkje krysse det etablerte fortauet på sørsida av vegen, og trafikkauken er vurdert som låg samanlikna med dagens situasjon.
Vidare er det lagt til grunn avgrensa mønehøgder og krav til utforming, av omsyn til trafikktryggleik og nærliggjande bustader. Dette er sikra gjennom mellom anna føresegnsområde #1 for byggehøgde i plankart og føresegn, samt byggjegrense i plankartet. Samla sett vert planløysinga vurdert som føremålstenleg, og løysinga er tilfredsstillande for både mjuke og motoriserte trafikkantar.
Overordna arealplan
Planforslaget vurderast å være i tråd med arealdelen i Kommunedelplanen for Florelandet-Brandsøy (2022). Planen følgjar opp kommunedelplanens avsetting av området (BN9) til næringsføremål, men konkretisera dette til lager/garasje, utan publikumsretta funksjonar.
Offentleg høyring og frist for innspel
Planframlegget er tilgjengeleg for gjennomsyn i tidsrommet 07.05.2026 – 21.06.2026.
Eventuelle merknader/innspel kan sendast til kommunen på elektronisk høyringsskjema som de finn på kommunen si heimeside. De kan og sende merknader/innspel i post til Kinn kommune, Postboks 294, 6701 Måløy, eller via e-post til post@kinn.kommune.no, seinast 21.06.2026.
Planframlegget med relevante dokument