Vi delte ut handlenett, knallgode drops i esker, brus og ikkje minst informasjon om ferievikariat – her kunne vi også skryte av ei særs god timeløn! Det var eit flott høve til å vise fram kommunen som arbeidsgjevar og informere om dei mange spennande moglegheitene som eksisterer innan helse og oppvekst.

Kva er Framflytkonferansen?

Konferansen blei starta av elevar ved Måløy vidaregåande skule i 2013/14 som eit initiativ for å gi ungdom reell erfaring med marknadsføring, bedriftsutvikling og leiing. Sidan då har konferansen blitt arrangert årleg og utvikla seg i tråd med elevane sine interesser og behov i nærmiljøet. Dette er ein flott moglegheit for verksemder og elevar å bli kjend med kvarandre.

Vi set stor pris på å få delta og gleder oss allereie til neste år!