Kommuneleiinga har hatt møte for å vurdere lokale konsekvensar av både dette farevarselet og dei andre som gjeld frå måndag av (gule varsel for vindkast, regn og is).  

For det oransje farevarselet gjeld desse råda:

• Beredskapsmyndigheiter skal vurdere fortløpande behov for beredskap og førebyggande tiltak
• Hald deg oppdatert om utviklinga av vêret og skredsituasjonen, og følg med på vêrradaren
• Hald stikkrenner, kummar og andre vassvegar frie for snø/is, grus, søppel, kvist og lauv
• Tette vassvegar med oppdemma vatn kan føre til skred
• Hald deg unna bratte skråningar, samt bekkar og elveløp med stor vassføring
• Ver forsiktig med å legge ut på tur også i slakare terreng i gjeldande område
   

Aktuelle farevarsel der du bur og kva råd du bør følgje finn du på Yr.no.