Kvifor skal du ikkje helle matfett i vasken eller toalettet?

Om du heller matfett i vasken eller toalettet kan det stivne og føre til tette røyr i både private og offentlege avløpssystem. Det kan føre til i kostbare reparasjonar og auka risiko for kloakkutslepp i naturen. I tillegg kan fettet skape problem i reinseanlegga, der det er vanskeleg å bryte ned.

Slik handterer du matfett på riktig måte

For å unngå problema ovanfor bør du:

1. Avkjøle fettet: La matfettet avkjølast etter matlaging, slik at det stivnar.
2. Samle fettet: Skrap det stivna fettet over i ein tett behaldar, som ein tom mjølkekartong eller plastboks.
3. Kaste i restavfallet: Når kartongen eller plastboksen er full, kast han i restavfallet.

Dette er ei enkel løysing som sikrar at feittet ikkje går i avløpssystemet.

Kva med flytande matolje?

Flytande matolje bør heller ikkje hellast i vasken eller toalettet. I staden kan du:

• Tørke opp mindre mengder: Bruk papir til å tørke opp små mengder olje, og kast papiret i restavfallet.
• Samle større mengder: Hell større mengder olje over i ein tett behaldar og kast i restavfallet.

Vis dovett – kast berre det som høyrer heime i toalettet

For å unngå tette røyr og forureining er det viktig å berre kaste toalettpapir og menneskeleg avfall i toalettet. Andre ting, som våtserviettar, sanitetsprodukt, q-tips, tampongar og matfeitt, skal kastast i søpla. Dette bidreg til å halde avløpssystemet reint og funksjonelt.