Påmelding til treningsgruppa

Du kan melde deg på innan 21. august via e-post kinn.ffe@kinn.kommune.no, eller kontakt Therese Slack via tlf. 95 71 00 60 eller 95 71 00 57.

Oppstart er 26. august, kvar måndag og torsdag i 10 veker, mellom kl. 12.30 - 13.30.

Kriterie for deltaking

• Heimebuande med få heimebaserte tenester.
• Opplever endring/ fall i funksjon som påverkar utføring av kvardagslege gjeremål.
• Nedsett innandørs og/eller utandørs mobilitet.
• Er motivert for å ta ansvar for eiga helse.
• Ein må kunne ta instruksjon.
• Ein må kunne delta i ei gruppe saman med andre.
• Ein må ha høve til å kunne delta både måndag og torsdag i 10 veker.
• Ein må kunne halde seg til avtalar (obligatorisk oppmøteplikt).

Om betaling og transport

Deltakarane må betale eigendel for deltaking jf. forskrift om stønad til dekking av utgifter til fysioterapi, eigendelstak. Per 01.07.2024 er eigendelen på kr. 109 per time.

Du kan finne frikortet digitalt og sjekke registrerte eigendelar og administrere eige kontonummer ved å logge deg på tenesta «frikort og eigendel» på helsenorge.no. Eigendelstaket er 3165 kr. for 2024.

Transport: I utgangspunktet må deltakar kome seg til og frå treninga sjølv, men for dei som treng det, vert det tinga drosje gjennom pasientreiser. Deltakar må og betale eigendel for transport etter eigendeltak.