Temaplan for oppvekst er ein strategisk plan for tenesteområda barnehage, grunnskule, PPT, barnevern, kulturskulen, vaksenopplæringa og helsestasjon. Planen gjeld og for samarbeid med relevante tenesteområde som mellom anna BUP, fysio-ergoterapiavdelinga, fastlegar, koordinerande eining og kultur. Målet med planen er å sikre heilskapleg grep om oppveksten i Kinn. Vi skal vere saman om å skape ein god oppvekst.

Framlegga i økonomiplan, temaplan for oppvekst og kommuneplanen sin samfunnsdel baserer seg på nedlegging av Krokane, Stavang og Raudeberg skule. Kommunen har ikkje økonomi til å rehabilitere alle skulebygga som er i drift i dag, og ein må difor prioritere blant skulebygga. 

Endringar i skulestrukturen, i tillegg til andre omstillingstiltak innan grunnskule, er ein føresetnad for å kunne gje tilfredstillande grunnskuleundervisning når elevtalet synk. Elevtalsnedgangen frå skuleåret 2023/24 til 2024/25 på 80 elevar, sjølv med det relativt store talet elevar skulane har teke imot av busette i denne perioden. Elevtalsnedgangen er soleis ikkje berre noko som ligg i prognosane, men ein realitet som vi har sett dei siste åra. 

Florø barneskole hatt ein relativt stor elevtalsnedgang dei siste åra. Skulen har skuleåret 2024/25 98 elevar færre enn i skuleåret 2019/20. Elevtalsnedgangen er for Krokane skule 50 elevar i same tidsperiode. Raudeberg skule hadde i 2019/20 102 elevar, og fødselskulla indikerer at skulen kan få så få elvar som 50 i 2029/30. Planen tek også omsyn til gjenbruk av nedlagde skulebygg og peikar potensiale for bustadutvikling, park og leik.