Fylkeskommunen skriv at arbeidet vil gå føre seg onsdag, torsdag og fredag i tidsrommet 22.00 - 06.00, med totalt 16 boringar. Arbeidet vil overskride støygrensa for anleggsaktivitet på natt, og kan vere sjenerande for dei som bur tett på. Det er sendt ut SMS-varsel til bebuarane i Måløy sentrum.

Dersom undersøkingane skulle skjedd på dagtid, ville det medført at ferja blei innstillt ei heil arbeidsveke. Fylkeskommunen har vurdert at det blir ei større ulempe å gjere slikt arbeid på dagtid enn på nattestid, sidan fleire ville blitt berørt.