Målet med forprosjektet

Målet med forprosjektet har vore å sjå på kva verdiskaping bygging og realisering av Stad skipstunnel kan medføre gjennom utvikling av reisemål, lokalsamfunn og næring. I tillegg har ein sett på kva effektive transportaksar og auka mobilitet for innbyggjarar, reiseliv og næringsliv kan bety for ein større region langs vestlandskysten. Forprosjektet er gjennomført av vekstselskapa i Stad, Vanylven og Kinn. To hovudområde har hatt særskilt fokus: Marin og maritim næring sjøvegen og på land, og stad- og destinasjonsutvikling i nærområdet til tunnelen.

I sluttrapporten, som blei offentleggjort denne veka, kjem det fram at næringslivet ventar seg stor vekst når skipstunnelen gjer regionen til eit knutepunkt langs kysten. Stad skipstunnel vil opne opp for ein større og meir konkurransedyktig bu- og arbeidsregion mellom Ålesund og Florø. For reiselivet vil realisering av Stad skipstunnel bety auka interesse og besøk, både i anleggsperioden og etter opning.

For å utnytte moglegheitene ved realisering av Stad skipstunnel har forprosjektet peika på seks sentrale utviklingsområde

1. Ta i bruk felles stads- og destinasjonskonsept
2. Forsterke klyngesamarbeid i marin og maritim næring på tvers av kommunar og fylke
3. Forsterke samarbeidsrelasjonar i reiselivet på tvers av kommunar og fylke
4. Berekraftig produksjonsutvikling basert på regionen sine eigne ressursar og fortrinn
5. Ny og forbetra infrastruktur land- og sjøvegen
6. Styrke og effektivisere samhandling mellom bedrift, kommunar og fylke

Heile rapporten kan lesast her