Arrangementet “Framtidas kompetanse – frå seminar til nettverk” er eit samarbeid mellom Kinn kommune, Aksello, Flora industri- og næringsforening, Måløy Vekst og Hub for Ocean, og samlar eit breitt spekter av deltakarar – frå privat næringsliv, vidaregåande skule, fag- og høgskule – mange av dei som jobbar med rekruttering og kompetanse i vår region - for å dele erfaringar, utfordringar og moglegheiter.

På programmet står innlegg frå aktørar som Westcon Yards, Cargill, Fjord Base Gruppen, SpareBank 1 Sogn og Fjordane, Evoy og fleire. Temaet er felles: korleis vi i lag kan utvikle og rekruttere kompetansen vi treng i åra som kjem.

Det blir sett fokus på alt frå rekruttering og lærlingordningar til arbeidsgjevarattraktivitet, utdanning og det å skape bu- og arbeidsmiljø som gjer at folk vel å bli.

Arrangementet markerer starten på eit tettare samarbeid om kompetanseutvikling i Kinn og regionen. Med deltaking frå både offentlege og private aktørar er målet å bygge nettverk, dele løysingar og løfte fram konkrete tiltak som kan styrke både arbeidslivet og lokalsamfunnet.