Kommunedirektør Øyvind Bang-Olsen inviterte Arbeidstilsynet til statusmøte i dag tidleg, i lag med prosjektavdelinga og leiarar for Brann og redning. Dette etter at Arbeidstilsynet har ilagt kommunen dagbøter. I møtet diskuterte dei stoda rundt vilkåra for dei tilsette i Brann og redning, og komplikasjonane rundt saka om ny brannstasjon i Florø.

Kommunedirektøren vil no følgje opp saka med å ettersende krav til dokumentasjon som Arbeidstilsynet krev.  Dette er ein forpliktande framdriftsplan for realisering av ny brannstasjon og gjennomgang av arbeidstilhøva ved dagens brannstasjon. Kommunedirektøren vil engasjere Bedriftshelsetenesta for å utarbeide ei vurdering av mellombelse arbeidsmiljøtiltak, slik at vi kan sikre dei tilsette ein trygg arbeidskvardag. 

Arbeidstilsynet vil då vurdere saka om tvangsmulkt (dagbøter) på nytt.  

Både leiarar, tilsette og Arbeidstilsynet er opptatt av å finne gode løysingar i lag, og er førebudd på ein god dialog framover.  Kommunedirektøren beklaga overfor Arbeidstilsynet at tidlegare oppfølging med dokumentasjon ikkje har vore etterfølgt.