Agenda for møtet
- Kl. 9.00 Finansutvalet
- Kl. 10.00 Formannskapet
- Kl. 10.00 Generalforsamling Vågsøy Parkering AS
- Kl. 10.20 Formannskapet
Orienteringar om investeringsprosjekt
Administrasjonen vil orientere om status i prosjekta for Florø barneskole og gymsal, ny hovudbrannstasjon i Florø, Skram skole, parkeringshus i Bankhola, Albertatunet og breibandsutbygging.
Orientering om samarbeid mot utanforskap
FRAM er eit prosjekt som har hausta gode erfaringar i andre kommunar, og er eit 3-årig program retta mot unge i utanforskap. Hovudmålet er å hjelpe folk tilbake i arbeid, og skape ein meiningsfull kvardag for menneske som står utanfor arbeidsmarknaden. Origod, som er prosjekteigar, vil prøve ut programmet på 20 unge personar over eit 3-årig program. Saka er ei orientering om at Kinn kommune inngår samarbeid med Origod om deira FRAM-prosjekt.
I samarbeidsavtalen har Origod ansvar for å følgje opp og rekruttere deltakarar, og har kontakt med verksemder og frivillige lag og organisasjonar. Kinn kommune skal tilrettelegge og koordinere for samarbeidet internt i kommunen, og bidra med rekruttering av deltakarar, kunnskap og kompetanse i arbeidet. Kinn kommune skal tilrettelegge for at deltakarane får eigna aktivitetar i aktuelle tenester inntil 15 timar per veke.
Meir informasjon om FRAM-prosjektet og saka finn du i saksdokumenta.
Samarbeid og samskaping mellom kommune og frivilligheita
Kinn kommune har kartlagt og hatt dialog med frivillig sektor og snakka med ulike aktørar for å finne ut korleis samarbeidet mellom partane kan bli betre. Målet er å styrke samspelet mellom kommune, frivillige lag og andre partnarar. Kommunen vil få på plass betre struktur og koordinering for å følgje opp målsettingar i samfunnsplanen. Det er samla inn mange gode forslag frå møte og arbeidsprosessar, spesielt innan kultur, helse og fritid for barn og unge.
Saka vert lagt fram for formannskapet med følgande framlegg til vedtak:
1. Kinn kommune skal nytte potensialet som finst med å koordinere arbeid med frivillighet, eigne tenester og andre aktørar betre. Kinn kommune inviterer til samarbeid, organiserer, og lager strukturar for samarbeid og samskaping med frivillig sektor og andre aktørar. 2.
2. Kinn kommune går ikkje videre med å skrive intensjonsavtale med Kirkens bymisjon om utvikling av sosialfaglege tiltak i Kinn kommune, med utgangspunkt i Florø på dette tidspunkt.
Handlingsplan for kunstig intelligens (KI)
Formannskapet skal orienterast og ta stilling til handlingsplanen som skal vere ei rettesnor for korleis kommunen satsar på KI. Bakgrunnen for handlingsplanen er den vedtekne økonomiplanen for 2025-2028, der det vart satt fram krav til innsparingar ved bruk av kunstig intelligens og innovative løysingar. Tiltaka som er skildra i handlingsplanen skal behandlast kvart år i arbeidet med handlingsprogram og økonomiplan.
Sakliste og saksdokument til formannskapet
Alle sakene og tilhøyrande dokument finn du i møteplanen:
Finansutvalet si sakliste finn du her:
Direktesending