Ungdommane blei utfordra på korleis dei kan få stemma si høyrt i samfunnet. Og ikkje minst korleis dei vaksne i kommuneorganisasjonen skal involvere ungdommane. Her kom deltakarane med mange gode innspel. Fleire vaksne som jobbar med ungdom deltok på opplegget. 

I løpet av dagen fekk UKK kunnskap om kva ungdomsmedverknad er, og var gjennom gruppearbeid der ein har snakka om praktisk gjennomføring av medverknad.

Ungdomane vart delt i grupper som kom med innspel til korleis vi kan styrke ungdomsmedverknaden og ungdomsaktivitetane i Kinn kommune på kort og lang sikt. Her kom det innspel om vidareutvikling av ungdomsklubbane, ønske om fleire fritidsaktivitetar, og uttrykt behov for betre bussruter for å kunne delta i fritidsaktivitetar. Det blei og snakka om korleis vi kan involvere elevråda på dei ulike skulane i større grad.

I løpet av dagen har vi også avtalt at det skal haldast ei orientering om ungdomsmedverknad i (vaksen-)kommunestyret i Kinn. Ordførar Bengt Solheim-Olsen deltok i deler av verkstaden og tok med seg mange gode innspel.

UKK v/ ungdomsordførar og varaordførar har møte- og talerett i kommunestyret i Kinn, og desse er flinke å møte og å ta ordet. Kanskje skal dei få peika ut ein eller to mentorar i kommunestyret som har eit særleg ansvar for å involvere ungdomane? Dette har vi utfordra ordføraren på.