Vedtaket til kommunestyret inneheld fire punkt:

1. Kommunestyret legg «grunnlaget for områdeplanlegging – grunnlaget for skulestrukturendringar» ut til offentleg høyring snarast mogleg, og med høyringsfrist 31. august. Kommunedirektøren skal sørge for breie medverknadsprosessar i høyringsperioden, slik at ein er sikker på at berørte interesser får kome med sine innspel.
2. Parallelt med høyringa skal Kinn kommune arbeide med korleis ein kan bruke areala som i dag er Raudeberg skule, Krokane skule og Torvmyrane skule på ein måte der ein utviklar nærområdet og motverkar negative effektar av ev. bortfall av skuledrift. Formålet er å bidra til vekst og utvikling gjennom ein framtidsretta aktivitet og bruk av areala (og ev. anna nærliggande areal), dersom konklusjonen etter høyring mv. skulle vere å legge ned den respektive skulen.
3. Kommunestyret delegerer til formannskapet å følgje opp arbeidet nevnt i punkt 2 i det vidare på vegne av kommunestyret.
4. Formannskapet skal gjennom gode medverknadsprosessar med lokalsamfunna sørge for at dersom kommunestyret vel å legge ned ein skule, så skal det lages konkrete planar og tiltak ein raskt kan gå i gang med for å sørge for at ikkje bygg står tomme, men at ein kjem vidare med å utvikle desse lokalmiljøa i Kinn.

Omtale av høyringa

Det er viktig å merke seg at konsekvensen av den politiske handsaminga av denne saka, kan bli at ein vel å legge ned skular. 

Dette er ei offentleg høyring, det vil seie at alle som ønskjer det står fritt til å kome med innspel. Kinn kommune vil legge til rette for ein god høyringsprosess med involvering av aktuelle partar, i samsvar med kommunestyrevedtaket. Plan for denne medverknadsprosessen vil de kunne lese ved å følgje lenka. Der finn de også den politiske saka  og grunnlagsdokumentet «Grunnlag for områdeplanlegging».

Tilhøyrande plandokument

Plandokumenta å finne på følgande lenker

• Medverknadsprosess skulestruktur og områdeplan (PDF, 41 kB)
• Politisk sak om grunnlaget for områdeplanlegging og skulestruktur (PDF, 201 kB)
• Grunnlagsdokument for områdeplanlegging og skulestruktur (PDF, 7 MB)

Send dine innspel innan 31. august

Merknader/innspel kan og sendast til Kinn kommune, postboks 294, 6701 Måløy, eller via e-post til post@kinn.kommune.no innan 31. august 2025. Du kan også bruke elektronisk høyringsskjema.

Gå til elektronisk høyringsskjema og send innspel