Høyring: Endring av forskrift om opptaksområde for Stavang skule

Kommunestyret har vedtatt at Stavang skule skal leggast ned frå og med 1. august 2025. Med bakgrunn i kommunestyret sitt vedtak, har oppvekst- og kulturutvalet 19. desember vedtatt høyring av framlegg til ny forskrift om opptaksområde for Stavang skule.

Vedtaket til oppvekst- og kulturutvalet (OK-utvalet)

Med heimel i Opplæringslova § 2-6 sender Oppvekst og kulturutvalet endring av kommunal forskrift om opptaksområde for tidlegare Stavang skule med verknad frå 01.08.2025, ut på høyring med slik innstilling: 

Stavang skule vert lagt ned og opptaksområdet vert delt mellom Florø barneskole og Eikefjord barne- og ungdomsskule sine opptaksområde. 

  1. Det tidlegare opptaksområdet for Stavang skule som høyrer til fastlandet (Svortevik, Standal, Stavang) blir lagt til Eikefjord barne- og ungdomsskule sitt opptaksområde. Eikefjord barne- og ungdomsskule sitt nye opptaksområde vil då femne om bygdene som grensar til Sunnfjord kommune i aust og sør, og Grov i vest. 
  2. Det tidlegare opptaksområdet for Stavang skule på Stavøy blir lagt til Florø barneskole sitt opptaksområde.

Høyringsfrist og innsending av uttale

Frist for å kome med innspel til det nye opptaksområde er sett til 2. februar 2025. Om du vil gi uttale til dette kan du sende innspela dine via elektronisk høyringsskjema innan høyringsfristen nedanfor. Du kan også sende innspel per brev til Kinn kommune, postboks 294, 6701 Måløy.

Send inn høyringsuttale her

Saksgangen blir slik

For å få sendt forskriftsendringa til Vestland fylkeskommune innan fristen 1. april 2025 (gjeld skuleskyss), legg kommunedirektøren opp til slik handsaming:

  • OK-utvalet sender saka ut på høyring 19.12.25
  • Høyringsfrist 02.02.25
  • OK-utval handsamar saka på nytt 25.02.25
  • Formannskapet handsamar saka 04.03.25
  • Kommunestyret har saka til endeleg handsaming 13.03.25

Saka blir også sendt på høyring til FAU og SU ved Stavang skule, Eikefjord barne- og ungdomsskule og Florø barneskole, i tillegg til Stavøy grendelag, Standal grendalag, Stavang bygdelag og Vestland fylkeskommune. 

Publisert 19.12.2024 12.35
Sist endra 20.12.2024 08.18