I høyringsutkastet til forskrift om skuledagar, ferie og fridagar skuleåret 2027-2028, har kommunane vore einige om å vidareføre felles prinsipp frå samarbeidet i tidlegare Sogn og Fjordane

• Skuleåret startar på ein måndag (16. august 2027
• Mest mogleg samanhengande undervisningsperiodar for elevane gjennom skuleåret
• Haustferie i veke 41
• Vinterferie i veke 8 
• Siste skuledag vert på ein fredag (16. juni 2028) 
• Samkøyring av planleggingsdagar for tilsette i enkeltkommunar og i regionssamanheng for å kunne legge til rette for felles kompetansesatsingar
• Planleggingsdag i november i samsvar med fylkeskommunen sin felles planleggingsdag for tilsette i vidaregåande skule. 

Høyringsutkastet slik det er føreslått får ikkje økonomiske konsekvensar for kommunen. Dersom forskrifta vert endra etter høyringsperioden der Kinn kommune planlegg skule- eller fridagar som avviker frå dei andre kommunane, kan det føre til auka skysskostnadar.

Høyringsinnspel og frist

Oppvekst- og kulturutvalet sender forskrifta på høyring med seks veker høyringsperiode, fram til 14. juli 2026. Saka vert også sendt til andre høyringsinstansar som samarbeidsutvala ved skulane og arbeidstakarorganisasjonane. 

Send høyringsinnspel via elektronisk skjema for høyringsuttale innan 14. juli 2026.

Gå til e-skjema for høyringsuttale

Vidare prosess

Etter høyringsfristen går saka til oppvekst- og kulturutvalet som skal handsame høyringsinnspel, og deretter sende saka til endeleg handsaming i kommunestyret.