I november starta den ellevte utdanninga av PMTO-terapeutar i Vestland. Kinn kommune er representert med Monica og Evy, som begge arbeider tett på familiar og barn i kommunen. Gjennom utdanninga får dei styrka kompetanse i Parent Management Training – Oregon (PMTO), som er eit vitskapleg forankra behandlingstilbod for familiar med barn i alderen fire til tolv år.

PMTO rettar seg mot familiar der samspelet mellom foreldre og barn har vore konfliktfylt og fastlåst, og der barnet viser åtferdsvanskar. Målet er å styrke foreldrerolla og bidra til meir positive relasjonar i familien. Dette er i tråd med samfunnsplanen der vi legg vekt på førebygging, tidleg innsats og gode oppvekstvilkår for barn og unge.

Utdanninga er i regi av NUBU i samarbeid med Bufetat. For oss er deltakinga eit viktig steg i arbeidet med å utvikle kompetente, samordna og tilgjengelege tenester for familiar – til det beste for både barn, foreldre og lokalsamfunn.

Vil du vite meir om familiehjelpa kan du lese om det her.