Nordmenn er i verdstoppen når det gjeld oppussing av bustad. Mange brukar mykje tid og pengar på å fornye og endre bustaden sin, men utan å tenkje på framtidige behov. Målet med Bustadpraten er å gi innbyggjarane kunnskap og råd om korleis ein kan gjere bustaden meir funksjonell, trygg og framtidsretta. Enkle val og tiltak kan gjere det mogleg å bu heime lenger – både ved naturlege aldersendringar, sjukdom eller skade.

Få råd frå fagpersonar

Gjennom Bustadpraten kan du bestille time med ein ergoterapeut, der du kan få råd om:

• korleis bustaden din kan bli meir tilgjengeleg og funksjonell
• enkle tiltak som kan førebyggje fall og gjere kvardagen tryggare
• universell utforming og tilrettelegging for framtidige behov

Bustadpraten i Florø

• I Florø gjennomfører vi Bustadpraten kvar torsdag mellom kl. 13.00 og 15.00. 
• Stad: Fysio- og ergoterapiavdelinga på Sunnfjord Medisinske Senter (3.etg). 

Bustadpraten i Måløy

• I Måløy gjennomfører vi Bustadpraten annakvar måndag frå 12. oktober mellom kl. 13.00 - 15.00
• Stad: Einevarden (møterom), 3 etg. Måløy rådhus

Bestill time i bookingløysinga vår

Du må bestille time til Bustadpraten gjennom vårt bookingsystem: 

Bestill time hos ein sakshandsamar – Kinn kommune. 

Dersom du treng hjelp til å bestille time, kan du ringe kommunen sitt sentralbord på 57 75 60 00 for bistand. For å kunne gi gode råd og rettleiing må du ta med planteikningar av bustaden til timen hos ergoterapeut, og gjerne bilete og/eller film av dei aktuelle romma som skal pussast opp/endrast, samt korleis tilkomsten til bustaden er.