Bufferfond på 44 mill. kr.
Ved utgangen av 2024 har Kinn eit bufferfond på 44,7 millionar kroner mot 47,8 i 2023. I 2024 fekk vi meirinntekter frå havbruksfondet på 5 mill. kr. Regjeringa la inn ekstra inntekter på slutten av 2024, etter vi hadde handsama 2. tertialrapport. Kinn kommune fekk her styrka frie inntekter med 13,4 mill. kr. Fondet utgjer 2%, mot mål på 8% som kommunestyret har sett.
Innstramming i 2024 for å unngå meirforbruk
Den økonomiske situasjonen er betre enn rapportert i 2. tertialrapport 2024. Det kjem av lågare forbruk og mindre utgifter til tenestene enn prognostisert. Tenesteområda var bede om å stramme inn drifta for 1. halvår 2024 då vi låg an til stort meirforbruk. Meirforbruket enda til slutt på 6,2 mill. kr. Dette er eit driftsavvik på 0,3%. Leiarar, tilsette og tillitsvalde har jobba godt for å oppnå dette resultatet.
Framleis områder med manglande samsvar mellom budsjett og rekneskap
Vi har framleis områder med manglande samsvar mellom budsjett og faktiske driftutgiftsnivå. Dette må vi jobbe med i 2025. Sjølv om vi hadde lite avvik samla sett, er det område vi må forbetre oss på.
Auka i lånegjeld – auke i rente- avdragsbetalingar på 150 mill. kr. til 2028
Vi budsjetterer med stor auke i lånegjelda. Ved utgangen av 2024 hadde vi 3,3 mrd. lånegjeld. I perioden fram til 2027 skal vi fullføre investeringar i Albertatunet, Skram skole, brannstasjon og Gate 1 i Måløy. Frå 2022 til 2028 kjem vi til nesten til å doble rente- og avdragskostnadane.
Nødvendig å spare for å kunne dekke rente- og avdrag
Det vedtekne investeringsprogrammet for 2025-2028 og driftsutfordringar krev innsparingstiltak på til saman 150 millionar kroner. Vi skal omstille oss i forhold til demografiutfordringa der vi får færre inntekter på grunn av færre barn og vi må auke innsatsen til helse- og velferd som fylgje av fleire oppgåver og auke i eldrebefolkninga. Dette er særs krevjande og representerer stor risiko. Etter kommunedirektøren si vurdering må risiko i omstillingsprogrammet reduserast og vi må jobbe med korleis sikre gjennomføring fram mot revidert økonomiplan i juni 2025.
Utfyllande informasjon i slutten av mars
Årsrekneskapen vert no oversendt til revisor. Vi vil informere nærare om årsrekneskapen i formannskapsmøte 4. mars. Utfyllande informasjon om driftsåret 2024 kjem i årsrapporten som vert lagt fram i slutten av mars.
Øyvind Bang-Olsen
kommunedirektør