Anita har master i organisasjon og leiing, og cand. Mag. i offentleg politikk og administrasjon. I tillegg har ho mykje erfaring frå kommunal forvaltning, mellom anna på integreringsområde, men spesielt innan kulturfeltet. Anita har mellom anna vore kultursjef i Flora og Bergen kommune tidlegare.

Etter å ha vore vekke frå Kinn i fleire år, kom ho tilbake til Florø for om lag 1 ½ år sidan. Då blei ho tilsett i Kinn si prosjektavdeling, med ansvar for å leie prosjektet for ny omsorgsinstitusjon i Florø.

- Eg vil heim til kulturen, seier Anita. Og eg gler meg veldig til å ta fatt på arbeidet!

Anita tiltrer i stillinga 1. mai i år, men må først fullføre andre oppgåver i kommunen. Ronny Silden Totland vil halde fram som konstituert kultursjef til denne datoen.