Det store talet på søknader viser eit breitt og levande kulturliv i kommunen. Kulturmidlane skal styrke eksisterande aktivitetar og stimulere til nyskapande prosjekt for innbyggarane våre. Det er lagt særleg vekt på opne arrangement og tiltak som rettar seg mot barn og unge.

Slik har tildelinga blitt vurdert

Retningslinene for kulturmidlane seier at midlane først og fremst skal gå til innhaldsproduksjon – altså arrangement, aktivitetar og prosjekt som folk kan delta på eller oppleve. Søknader om ordinær drift, investeringar eller tiltak som fell utanfor formålet, er ikkje prioriterte.

Du kan lese meir i den politiske saka som var til handsaming i kultur- og oppvekstutvalet 25. mars.

Flora Musikkråd har vore med i vurderingsarbeidet, og deira innspel er teke med i den endelege tildelinga.

Nytt frå 2025 er også at Kinn kommune har innført fleire ordningar for å støtte aktivitet og deltaking:

• Fritidskonto gir økonomisk støtte til born og unge frå familiar med låg inntekt.
• Tilskotsordning for sosial utjamning støttar lag og organisasjonar som arbeider for inkludering.
• Kinn Friskus sin nye aktivitetskalendar gjer det lettare å finne og delta på fritidsaktivitetar.

Desse får støtte i 2025

Her er ei oversikt over mottakarane av kulturmidlar:

Takk til alle som bidreg til kulturlivet!

Vi takkar alle som har søkt, og som gjennom sitt arbeid er med på å skape eit rikt og mangfaldig kulturtilbod i kommunen. Vi ser fram til eit nytt år fullt av aktivitetar, opplevingar og samhald!