Velkommen til folkemøter om:
Korleis kan vi skape levande og samskapande lokalsamfunn? Vi vil at det skal vere godt å bu, besøke og drive næring i Kinn. Byane våre skal vere levande, med mangfald innan bustad, næring, service og møteplassar. Korleis skal vi saman få dette til?
Kvar er dei gode møteplassane? Del dine favorittplassar i lokalsamfunnet og fortel oss korleis vi saman kan gjere dei endå betre. Eller har du kanskje idear til å etablere nye møteplassar? Korleis er du med på å skape levande og samskapande lokalsamfunn? Bidra med idear til andre fellesskap, lokalsamfunn og naboskap i kommunen.
Korleis kan vi hjelpe kvarandre? Kva er du villig til å hjelpe andre med? Kva kan andre i ditt lokalsamfunn hjelpe deg med?
Andre veka i september inviterer vi til høyringsmøte om kommuneplanen sin samfunnsdel (samfunnsplanen). Her kan du som representerer eit frivillig lag, organisasjon eller grendelag melde deg på. Vi arrangerer møte i både Florø og Måløy.
I møtet legg vi opp til presentasjon av planen, og prosessen rundt. Vi håpar på aktiv deltaking og legg opp til gode prosessar i møtet. Alle er sjølvsagt velkomen til å kome med innspel via eiga løysing på heimesida vår.
Tid og stad
- Møte i Måløy: 9. september, formannskapssalen på rådhuset, kl. 18.00 - 20.30.
- Møte i Florø: 11. september, Florø kulturhus (festsal), kl. 17.00 - 19.30.
Klikk her for meir informasjon: Vi inviterer lag, organisasjonar og grendelag til høyringsmøte om samfunnsplanen - Kinn kommune NB Påmeldingsfrist 6.9.