Sakshandsaming ved overtal
Hovudprinsipp for handsaming av saker om overtal
- Tillitsvalde for alle arbeidstakarar dette rører skal alltid være involvert
- Arbeidsgjevar skal legge til rette for ein open og trygg prosess
- Arbeidsgjevar skal legge til rette for at alle relevante omstende blir vurdert så tidleg som råd er i prosessen
- Det skal jamt informerast til aktuelle arbeidstakarar og tillitsvalde i heile prosessen
- Før nokon meldast overtalleg, skal det alltid vurderast om det er høve til omplassering i den lokale tenesta.
- Omfordeling av arbeidsoppgåver mellom dei tilsette skal skje innan råma for styringsretten til arbeidsgjevar og omsyn takast til naudsynte kvalifikasjonar for å utføre arbeidsoppgåvene.
Dokumentasjon
- Innkalling til møter skal være skriftleg, seie kva som skal handsamast i møtet og sendast i rimeleg tid før møtet.
- Tilsette skal informerast om sin rett til å ha med tillitsvald eller ein annen person vedkomande har tillit til.
- Alle møter skal dokumenterast i eit skriftleg referat som inneheld hovudsynspunkt tatt opp i møtet.