Retningsliner for gåver og merksemd
Reglane gjeld for fast tilsette arbeidstakarar.
Det skal synast merksemd ved desse høva:
- Ved tenesteslutt
- Ved fylte 50 og 60
- 25-årsjubilantar
- Ved gravferd
Merksemd ved tenesteslutt
Tilsette med:
- mellom 10 og 15 års teneste. Blome til verdi av inntil 500 kroner
- mellom 15 og 25 år. Gåve til verdi av inntil 2000 kroner. Tilstelling på arbeidsplassen, etter avtale med tilsett
- over 25 år, tilstelling på arbeidsplassen. Blomstergruppe med verdi inntil 500 kroner
25-årsjubilantar
Arbeidstakarar som har samla tenestetid i kommunen på over 25 år, får ei gåve med verdi 4500 kroner. Utdelinga skjer i samband med personalarrangement, eller etter avtale med jubilanten.
Personalavdelinga er ansvarleg for gjennomføringa av arrangementet.
Åremålsdagar
Arbeidstakar som fyller 50 og 60 år får ei gåve med verdi av 500 kroner.
Gravferd
I samband med gravferd av tilsette vert det vist merksemd i form av krans, bårebukett eller blomar på inntil 2000 kroner. Merksemd ved slike høve skal avtalast med pårørande.
Gjennomføring av reglane
Den enkelte tenesteleiar har ansvar for å sjå til at reglane vert gjennomførte. Utgiftene skal dekkast over budsjettet til vedkomande avdeling. Dersom arbeidstakaren arbeider ved fleire avdelingar må tenesteleiarane samsnakkast.
Tvilsspørsmål
Kommunedirektøren avgjer tvilsspørsmål i medhald av reglane.