2. Delegering av mynde til rådmannen

2.1 Tilhøvet mellom politisk nivå og tilsette i kommunen

Kommunestyret forheld seg direkte som arbeidsgjevar kun til administrasjonssjefen.  Dei nærare rammene og reglane for administrasjonssjefen sitt ansvar og mynde følgjer av reglement.

Tilhøvet mellom tilsette og leiing, medverknad og samarbeid er nedfelt i Hovudavtalen. I tillegg skal det partsamansette Administrasjonsutvalet sikre at kommunen sin arbeidsgjevarpolitikk både fungerer og vert utvikla, samt at naudsynt kunnskap går frå dei tilsette til politisk nivå og omvendt. Det er likevel viktig å forstå dei folkevalde si spesielle rolle som ombod for alle innbyggarane i kommunen. Så lenge ein forstår dei respektive rollene og følgjer lov og avtaleverket – er det både tillatt og ønskjeleg at det er eit ope og godt forhold mellom dei folkevalde og dei tilsette i kommunen.

2.2 Administrasjonssjefen sitt ansvar og mynde

Delegering frå kommunestyret til administrasjonssjefen er forankra i kommunelova § 23 1-4.  I tråd med dette er administrasjonssjefen si rolle definert slik:

1. Administrasjonssjefen er den øvste administrative leiaren for den samla kommunale administrasjonen, med dei unntak som følgjer av lov, og innanfor dei rammer som kommunestyret fastset.
2. Administrasjonssjefen skal sjå til at saker som vert lagt fram for folkevalde organ er forsvarleg utgreidd og at vedtak vert satt i verk. Administrasjonssjefen skal sørge for at administrasjonen vert drive i samsvar med lov, forskrifter og overordna instruksar og at den har gode rutinar for gjennomføring og kontroll. Prinsippa for fullført sakshandsaming vert å legge til grunn.
3. Administrasjonssjefen har møte- og talerett, personleg eller ved ein av sine underordna i alle kommunale folkevalde organ, med unntak av kontrollutvalet.
4. Kommunestyret gir fullmakt til å treffe vedtak i saker som ikkje er prinsipielle, dersom kommunestyret ikkje har avgjort noko anna.
5. Administrasjonssjefen har innstillingsrett og innstillingsplikt i saker som vert fremma for fyrstegangs handsaming i eit folkevald organ. I den vidare sakshandsaminga  i formannskap eller kommunestyret, skal administrasjonssjefen si innstilling gå klart fram av saka.
6. I spesielle tilfelle og etter avtale med ordførar kan administrasjonssjefen fremme sak direkte til kommunestyret.
7. Administrasjonssjefen har høve til å trekke ei sak frå sakskartet dersom han meiner den ikkje er tilstrekkeleg opplyst.

2.3 Hovudtrekk i kommunestyret si delegering av mynde til administrasjonssjefen

1. Kommunestyret si delegering av mynde til administrasjonssjefen går på to hovudområde. Det første går på mynde til å drifte og utvikle kommuneorganisasjonen innanfor dei rammene som kommunestyret har bestemt. Det andre gjeld mynde til å ta avgjerd etter lova som forvaltingsorgan.
2. Administrasjonssjefen har fullmakt til å delegere mynde vidare i kommuneorganisasjonen. Slik delegering skal vere spesifisert i eige administrativt delegeringsreglement. Delegasjonsvedtak som ikkje går fram av reglementet, skal gjerast skriftleg og vert å rapportere til kontrollutvalet og revisjonen.
3. Bestillingar til administrasjonen skal skje gjennom vedtak i møte i folkevalde organ.
4. Berre kommunestyret sjølv kan disponere unytta økonomiske tildelingar som følgje av at tiltak ikkje er sett i verk.
5. Delegeringa nemnd under går via utvala slik det går fram av tabellane.

2.4 Oversikt over delegering til administrasjonssjefen

2.4.1 Administrasjon og personalforvalting

2.4.2Økonomistyring

Administrasjonssjefen sitt mynde innan økonomi- og finansforvalting er fastsatt i eige økonomireglement for Kinn. Reglementet gir eit oversyn over rammer og avgrensingar for kommunen si økonomistyring og finansforvalting. Fullmakter, instruksar og/eller rutinar skal vere heimla i reglementet

2.4.3 Helse- og velferdsforvaltinga

Kommunestyret delegerer til Helse- og velferdsutvalet som delegerer vidare til rådmannen slik mynde:

2.4.4 Oppvekstforvaltinga og kultur

Kommunestyret delegerer til oppvekstutvalet som delegerer vidare til rådmannen slik mynde:

2.4.5 Tekniske tenester

Kommunestyret delegerer til Plan- og samfunnsutvalet som delegerer vidare til rådmannen slik mynde: