Det er kommunen som er ansvarleg for offisielle adresser, nummertildeling og skilting av vegnamn.
Adresser stadfestar bygningar i kartet, og gjer det difor lettare å finne fram til rett sted
Det er ei målsetjing at alle utbygde eigedomar skal ha ei offisiell adresse i form av vegadresse, med adressenummer og eventuell bokstav.
Med offisiell adresse meiner vi
- vegadresse gjeven med vegnamn, adressenummer (husnummer) og eventuell bokstav.
- matrikkeladresse, gjeven med gardsnummer, bruksnummer, med tilhøyrande matrikkeladressenamn.
Alle bygningar som brukast til bustadføremål, fritidsføremål, næringsverksemd, offentleg verksemd, eller anna offentleg eller publikumsretta verksemd skal få tildelt adresse. Dette er viktig for verksemder som yter tenester mot bustadmarknaden, og kan vere avgjerande for naudetatar som politi, brannvern og helse.
Den tildelte adressa er eigedomen/bustaden si offisielle adresse
Dette blir også postadressa dersom ikkje postboks eller anna er avtalt med Posten. Har du spørsmål til Posten, kontakt Posten kundeservice på telefon 22 03 00 00 eller via Posten si heimeside.
Desse skal i hovudsak ha eiga adresse
- I bygningar med fleire hovudinngangar kan kvar inngang få eigen adresse.
- I bygningar med fleire bustader der desse har åtkomst frå forskjellige ytre inngangar, skal kvar enkelt inngang tildelast eigne adresse.
- Dersom fleire leilegheiter har felles inngang vil brukseiningsnummeret (leilighetsnummeret) inngå som ein del av adressa.
Prinsipp for adressering er i korte trekk slik
- Adressa skal knytast til den vegen som er godkjent som åtkomst til eigendommen.
- Nummereringa startar i byrjinga av vegen og nummera aukar fortløpande.
- Frå vegen sitt startpunkt er oddetal (1, 3, 5 osv.) på høgre side og partal (2, 4 ,6, osv.) på venstre side.
- Nummereringa følger kanten av vegen, inn i stikkvegar, gardsplassar og opne portrom (kantlinjeprinsippet).
- Det bør haldast av nummer der det er tenkt framtidig utbygging og omregulering.
- Bokstav skal kun nyttast som tillegg i adressenummeret for å unngå unødvendig omnummerering av tidlegare tildelte adresser.
- Er det fleire leilegheiter på same adresse skal brukseiningsnummer brukast. Korleis brukseiningsnummer blir tildelt kan du sjå i videoen under.
Sjå video - Kva er brukseiningsnummer/bustadnummer
Når kommunen gjev løyve til bygging av eit nytt bygg som krev adresse, får du tilsendt vedtak om adresse seinast ved ferdigattest på bygget.
Eigar er pliktig til å gje informasjonen om ny adresse til eventuelle leigetakarar på eigedommen.
Posten får di nye adresse rett frå matrikkelen
Du treng difor ikkje å melde omadressering til Posten. Men du må informere kontaktane dine om di nye adresse.
Her finn du informasjon om kva som er registrert om deg i posten sitt adresseregister
For spørsmål til posten ring 04004, eller sjå eller sjå Posten si heimeside.
Meld frå om flytting til folkeregisteret
Du må sjølv melde om flytting til folkeregisteret, dette er ikkje noko kommunen handterer.
Sette opp Husnummerskilt
Du er ansvarleg for at den enkelte bygning blir merka med husnummeret. Nummerskiltet skal vere godt synleg også i mørket, og skal vere synleg frå vegen.
Meininga med adresse er at det skal vere enkelt for alle å finne fram til gitt eigedom. Det er difor viktig at adressering føljer eit felles system, som til dømes ved fortetting eller endring av avkøyrsle og liknande, då kan det vere behov for å endre eller slette tidlegare adresser.
Har du ei adresse du meiner bør bli omadressert eller sletta? Då kan du melde frå til kommunen
Her vil kommunen ta ei vurdering av saka om det vil vere nødvendig med endring av adresse.
Kontakt Kinn kommune per post til: postboks 294, 6701 Måløy
eller e-post til: post@kinn.kommune.no
Tilkomstpunkt
Tilkomstpunkt er viktig informasjon for å enkelt kunne finne fram der adressepunktet alene ikkje definerer tilkomsten til ei adresse på ein klar og eintydig måte.
- Ligger bygg/bustad/fritidsbustad langt frå hovudvegen?
- Opplever du at folk ikkje finn fram til di adresse?
- Køyrer folk feil når dei skal heim til deg?
- Ligger bygget til slik i terrenget at det ikkje er lett å sjå/finne?
- Tilkomst på øy - må du via kai/brygge for å komme til bygget?
- Har du ein tilkomst på vinter, og ein anna på sommarstid?
- Tilkomst nødetat (tilkomst gjennom veg ved bom eller liknande, der ålmenta vanlegvis ikkje har tilgang til å køyre, for raskast mogleg å komme fram til rett adresse)
På Kartverket sine sider finn du meir informasjon om tilkomstpunkt
Du kan klage på vedtak om ny adresse. Ved klage over tildeling eller endring av offisiell adresse, er klageretten avgrensa til
- kva gate, veg eller liknande ein bygning eller eigedom skal ha adresse til
- kva adressetilleggsnamn eller matrikkeladressenamn som er tildelt adressa
- feil tildelt adressenummer eller bustadnummer
Kommunen har hovudsakleg ansvar for skilting av gater, veger, stiar, og områder som er nødvendig for å oppnå god merking av adressene. Skilta skal settast opp så snart som mogleg etter at skrivemåten til adressenamnet (gatenamn) er vedtatt.
Tildeling av stadnamn gjerast i eigen namnesak. I namnesaker er det ikkje mogleg å klage på namnevalet på gate, veg, gangveg, område eller liknande, men du kan klage på skrivemåten.
Publisert 09.08.2023 09.20
Sist endra 10.01.2024 10.30