9 Foreldrebetaling

Kommunestyret fastset årleg satsane for foreldrebetaling for SFO.

Foreldrebetaling for ordinært SFO-tilbod gjeld for 10 månadar i året. Opphaldsbetaling for juni og august er tilpassa opningsdagar for kvar av månadane. Foreldre får tilsendt 11 faktura i løpet av eitt år, med betalingsfrist forskottsvis den 15. i kvar månad. Juli månad er betalingsfri.

Foreldrebetaling for ferie-SFO har eigne betalingssatsar, og vert fakturert i tillegg til ordinært SFO-tilbod.

Kinn kommune følgjer nasjonalt fastsette betalingsordningar (Forskrift til opplæringslova Kap 1B Skulefritidsordninga):

§1B-1 Redusert foreldrebetaling for hushaldningar med låg betalingsevne. Føresette må søkje på eige skjema, og legge ved naudsynt dokumentasjon.

§1B-3 Gratis SFO for elevar med særskilt behov på 5. -7. årstrinn. Føresette må søkje aktuelt SFO-tilbod.

§ 1B-4 12 timar gratis kjernetid pr. veke for elevar på 1. og 2. årstrinn. Gratis kjernetid vert rekna 2,4 timar frå dagleg skuleslutt.

Berekna sum vert trekt frå på månadleg faktura om eleven har SFO-tilbod som dekkjer timar ut over kjernetida. Foreldre har høve til å søkje på eige SFO-tilbod som gjeld gratis kjernetid. 12 timar gratis kjernetid i ferie-SFO vert fasett til å gjelde i tidsrommet frå kl. 08.30 til kl. 10.55 kvar dag. Berekna sum vert trekt frå på faktura for ferie-SFO.

Søskenmoderasjon på 30% frå barn nr 2. Kostpengar kjem i tillegg til opphaldsbetaling.

Reglar om betalingsordningar og søknadsskjema om redusert foreldrebetaling finn du her.