Forskrifta er vedteken av kommunestyret 13. juni 2024, med heimel i opplæringslova § 10-7, og gjeld frå 1. august 2024.

Gå til lovdata: Forskrift om skuledemokrati og skulereglar

Kort om føremålet med forskrifta

Forskrifta skal sikre at skulane i Kinn har

• eit trygt, godt og inkluderande skulemiljø
• klare reglar for orden og åtferd
• ei tydeleg organisering av skuledemokratiet
• føreseielege rammer for elevar, føresette og tilsette

Reglane skal bidra til trivsel, respekt, samarbeid og fagleg konsentrasjon. Dei skal også hjelpe elevane med å utvikle gode sosiale ferdigheiter og bygge positive relasjonar.

Forskrifta regulerer korleis skuledemokratiet er organisert, kva reglar som gjeld for orden og åtferd, og kva tiltak skulen kan bruke ved brot på reglane. Ho gjeld når skulen har ansvar for elevane – både i undervisning, på turar og i digitale læringsrom.

I alle saker skal omsynet til eleven sitt beste vere grunnleggande, og eleven har rett til å bli høyrd. Forskrifta skal vere kjend for elevar og føresette og er tilgjengeleg i fullversjon på Lovdata - sjå lenke ovanfor.