Nasjonale ordningar som gjeld frå 1. august 2020

• Elevar på 5.-7. klassetrinn som har særskilt behov, har rett til gratis SFO-tilbod (Forskrift til opplæringslova §1B-3). 
• Familiar med låg inntekt skal ikkje betale meir enn maksimalt 6% av inntekta si for SFO-tilbod for elevar på 1., 2., 3., og 4. klassetrinn (Forskrift til opplæringslova §1B-1).
• Retten til redusert betaling gjeld for opphald, og ikkje for kostpengar.

For å søkje om redusert foreldrebetaling for SFO-plass nyttar du elektronisk skjema.

Søknadar om lågare pris vert handsama heile året, men hovudsøknadsfrist vert sett til 1. juni kvart år. Vedtak om lågare pris vil gjelde for eitt skuleår. Du må søkje på nytt kvart år.

Søkjer du utanom hovudsøknadsfristen, vil vedtak gjelde frå månaden etter at søknaden er mottatt. 

Kriteria som ligg til grunn for å få redusert foreldrebetaling

• Barnet må gå i 1., 2., 3., eller 4. klasse
• Foreldrebetalinga pr år må utgjere meir enn 6% av hushaldninga si samla brutto personinntekt etter skattelova kap 12, og skattepliktige kapitalinntekt. 
• Ektefeller og registererte partnarar og sambuarar vert rekna som hushaldning.
• To ugifte personar over 18 år som bur saman i ekteskapsliknande forhold (minst 12 av dei siste 18 månadane), eller har felles barn, vert rekna som sambuarar.
• Dersom foreldra til barnet bur kvar for seg, og barnet bur fast hos begge foreldre, skal foreldrebetalinga reknast ut frå inntekta i den hushaldninga barnet er folkeregistrert. 

Dokumentasjon

• Hushaldninga si person og skattepliktige kapitalinntekt kan dokumenterast med siste års skattemelding.
• Hushaldningar som ikkje kan legge fram skattemelding som dokumentasjon, må legge fram annan dokumentasjon som t.d. introduksjonsstønad, lønnslipp frå arbeidsgjevar (3 siste månadar) eller kopi av vedtak om skattbare stønadar frå NAV.   

Kommunen vil handsame søknadar i samsvar med forskrift til opplæringslova §1B-2.