• Vi støttar barnehagar og skular med å legge opplæringa betre til rette for å fremje inkludering, utvikling og læringsutbytte for barn og elevar.
• Vi samarbeidar med barnehage og skule med tidleg innsats og førebyggande arbeid. 
• Vi hjelper barnehage og skule med utgreiing og kartlegging.  
• Vi gjer ei sakkunnig vurdering der barnehagelova og opplæringslova krev det. Den sakkunnige vurderinga er grunnlaget for vedtaket kommunen gjer om spesialpedagogisk hjelp i barnehage og individuell tilrettelagt opplæring (ITO) i skule.
• Vi gjer ei sakkunnig vurdering når kommunen ber oss om det i saker som omhandlar fritak for opplæringsplikta og ved framskoten eller utsett skulestart.
• Vi bidreg til kompetanse- og organisasjonsutvikling i kommunen.

Les meir på Utdanningsdirektoratets nettsider - Kva gjer PP-tenesta (PPT).

• Språk- og tale
• Konsentrasjons- og merksemd
• Sosiale og emosjonelle vanskar
• Åtferd og regulering
• Syn- og hørsel
• Generelle lærevanskar eller fagvanskar
• Lesing- og skriving
• Matematikk
• Bekymringsfult skulefråvær 

Dersom du er uroa for barnet ditt, tek du først kontakt med barnehagen.  Barnehagen vurderer samen med føresette om det er behov  for å kontakte PPT.  Dersom det er behov for kontakt med PPT, kallar barnehagen inn til møte med føresette og PPT der ein saman avklarar vidare arbeid  og oppfølging. 

Dersom barnet ikkje går i barnehage må føresette kontakte kommunalsjef for oppvekst og undervisning for å be om ei vurdering for spesialpedagogisk hjelp. I desse sakene er det kommunalsjef som tilviser oss.

Les meir på Utdanningsdirektoratets nettsider - Spesialpedagogisk hjelp i barnehagen.

Ønskjer de at barnet skal starte på skulen tidlegare eller seinare enn vanleg, tek de kontakt med kommunalsjef for oppvekst og undervisning. Kommunalsjefen ber då PPT om ei sakkunnig vurdering. Etter sakkunnig vurdering gjer kommunalsjef vedtak i saka.

Er du uroa for læring og trivsel til barnet ditt i skulen, melder du ifrå til skulen. Skulen skal setje inn og prøve ut tiltak først. Dersom eleven framleis har utfordringar, kan skulen i samarbeid med føresette tilvise PPT for individuell oppfølging eller for sakkunnig vurdering. Føresette og elevar over 15 år skal samtykke til tilvising til PPT.

Les meir på Utdanningsdirektoratets nettsider - Individuelt tilrettelagt opplæring.

PPT har logopedar som kan rettleie i høve språklydsvanskar, taleflytvanskar, munnmotorikk og stemmevanskar. For barnehagebarn kan logoped rettleie og følge opp barnehagen og føresette. Når det gjeld skulebarn, kan logoped jobbe direkte med barnet på PPT-kontoret utanfor skuletid. Føresette gjer også øvingar med barnet heime.

Går barnet i barnehage tek du kontakt med barnehagen for samarbeid om tilvising til logoped i PPT.

Føresette og elevar over 15 år kan tilmelde logoped direkte. Ta kontakt med oss før du sender tilvising, slik at vi kan vurdere om logoped er rett hjelp.

Når du tilviser, skriv du ut og fyller ut skjemaet «Tilvising til PPT – Logoped».

Skjema: Tilvising til PPT  - Logoped (ODT, 35 kB)

Vaksne som har rett til grunnskuleopplæring kan også ha rett til individuell tilrettelegging.

Dersom du ønskjer at det blir gjort ei sakkunnig vurdering, tek du kontakt med kommunen v/oppvekstsektor. Dei tilviser då PPT for vurdering av behov for individuell tilrettelagt opplæring. Det er kommunen  som gjer vedtak om individuell tilrettelegging.

Kven kan be om individuelt tilrettelagt opplæring?

• Vaksne med nedsett hørsel/døvheit som treng opplæring
• Vaksne synshemma som treng opplæring
• Vaksne med språk-, stemme- eller talevanskar som treng opplæring
• Vaksne som ikkje har eller kan få tilfredsstillande utbytte av det ordinære opplæringstilbodet
• Vaksne som har særlege behov for hjelp til å vedlikehalde eller utvikle grunnleggjande ferdigheiter (lesing, skriving, rekning, munnlege- og digitale ferdigheiter, samt dagleglivets ferdigheiter)
• Vaksne som treng ny opplæring på grunn av sjukdom eller skade

Les meir på Utdanningsdirektoratets nettsider - Tilpassa opplæring og individuell tilrettelegging for vaksne deltakarar.