Foreldrerettleiing

Gjennom rettleiingsprosessar skal Familiehjelpa auke kompetansen hos mottakar på ein slik måte at barnet og familien sitt strev vert redusert.

Tilbodet inneheld rettleiing individuelt til enkeltpersonar/ i par, i gruppe frå 6-8 personar, tilbod om sosial ferdigheitstrening direkte til barnet, og rettleiing til tilsette i barnehage/skule. Familiehjelpa kan bidra med observasjon i barne- og vaksengruppe, vere ein drøftingspartner for tilsette i barnehage og skular, eller vere ein medhjelpar i å fange opp barn som på ulikt vis strevar.

Observasjonar og drøftingar på individnivå krev samtykke frå foreldre, eller drøftingar kan gjennomførast der vedkommande er anonymisert. Tilbodet som Familiehjelpa gjev, er lett tilgjengeleg med kort ventetid og er lokalisert i sentrum av både Måløy og Florø.

Søknadsskjema

COS-P

COS-P er eit foreldrerettleiingsprogram som bygger på kunnskap og forsking om tilknytingen si betyding. Ved bruk av filmsnutter som viser samspel mellom foreldre og barn, samt deling og refleksjon i timane, vert det jobba med å bli bevisst barnet sine behov og å reflektere kring seg sjølv som omsorgsperson. Gjennom dette arbeidet får ein og hjelp til å takle eigne reaksjonar /eigen frustrasjon når barnet oppfører seg utfordrande.

Ein viktig haldning i COS-P er at foreldre skal være «større, sterkare, klokare og god». Her er den følelsesmessige og reflekterande delen av foreldrepraksisen viktigare enn kunnskapen om teknikkar for å takle barns åtferd. COS-P kan gjevast individelt og i gruppe. Familiehjelpa avd. Florø gjev COS-P individuelt, og avd. Måløy gjev COS-P i grupper.

Sjå meir informasjon hos Ungsinn her

ICDP - International child development program

International Child Development Program (ICDP) er eit enkelt, helsefremmande og forebyggande program som har som mål å styrke omsorga og oppveksten for barn og unge. Det rettar seg mot omsorgsgivarar og skal styrke deira omsorgskompetanse. ICDP-programmet blei utvikla av professor Karsten Hundeide og professor Henning Rye ved Universitetet i Oslo. ICDP-programmet er anerkjent og benytta av bl.a. UNICEF og WHO.

Nyare forsking viser at barnet sitt samspel med sine nærmaste omsorgsgivarar er avgjørande for barnet si heilskaplege utvikling. ICDP har som sin grunntanke at den beste måten å hjelpe eit barn på, er å hjelpe barnet sine omsorgspersonar, og at den strategien med best verknad er å støtte og bevisstgjere barnet sitt stabile omsorgsnettverk. ICDP setter eksisterande forsking om barn og barnet si utvikling i system. ICDP benyttast i grupper av foreldre/omsorgsgivarar, som møtast jemleg i 8 møter i halvannan til to timer av gangen. Møtene vert leia av ICDP-veiledarar, etter ein bestemt struktur og i ei bestemt form. Innhaldet i møtene er strukturert i tema rundt korleis barn oppfattast av omsorgsgivaren, og 8 tema for godt samspel.

For meir informasjon sjå liste over alle tiltak hos Ungsinn her

Tuning in to kids

Tuning In To Kids (TIK) er eit foreldrerettleiingsprogram der målet er å styrke det emosjonelle bandet mellom foreldre/føresette og barnet. Foreldra vert trena opp til å møte barnet sitt kjenslemessige uttrykk med nærleik og forståing for å støtte barnet og si eiga evne til sjølvregulering.

TIK kan bli gjeve som tilbod i gruppe eller som individuell oppfølging over 6 – 8 møter. Programmet kan òg kombinerast med andre intervensjonar.

TIK skal hjelpe foreldre og føresette med å

bygge eit nært emosjonelt band mellom seg og barn.
hjelpe barnet med å utvikle sosiale ferdigheiter og redusere utagerande oppførsel.
hjelpe barn med å takle vanskelege kjensler som redsel, sinne, separasjonsangst, tristheit og frustrasjon.
behalde roa når barnet har eit sinneutbrot.
nyte tida med barnet sitt.

Tuning In To Kids er forskingsbasert, og studiar syner at programmet styrkar foreldreeigenskapar, foreldre – barn relasjonen og barnet sin emosjonelle kompetanse og åtferd. Ein har funne spesielt gode resultat i grupper med kjensle- og åtferdsmessige utfordringar.

Marte Meo

Marte Meo har vore i bruk i Noreg sidan 1990, hovudsakleg for å styrke og utvikle samspelet mellom foreldre og barn.

Marte Meo er ein utviklingstøttande, videobasert samspelsmetode, der MM-terapeuten filmar barnet og omsorgsperson i 5-10 minuttar. Deretter analyserer terapeuten filmen, og det avtalast eit møte for gjennomgang. Dette gjentek ein så lenge ein ser behov, vanlegast 2-5 gongar.

Formålet er å sjå kor samspelet lykkast, og kor det ikkje lykkast, for å få informasjon om dei faktorar som fremmar og hemmar eit utviklingstøttande samspel.

Metoden sitt heilt sentrale fokus er å oppmuntre mennesket til - «ved eigen kraft» - å lære og utnytte sin eigen kapasitet optimalt, og dermed forbetre og utvikle samspelet. I Marte Meo har vi alltid fokus på kva barnet treng og korleis det blir møtt, og med løysningsfokusert tilnærming. Korleis er kvaliteten på kontakten? Kva ser du som fungerer? Kva fungerer ikkje? Settast det ord på barnet sine eigne handlingar? Beskriving gir forståing for barnet!

Terapeuten visar utvalde videoklipp/bilete, for å synleggjere for omsorgspersonen dei elementa i samspelet som skal utviklast for å hjelpe med det aktuelle problemet, og kva dei eventuelt kan gjere annleis.

Å bruke videoklipp for å synleggjere bodskapet, minimerer risikoen for misforståing og klargjera kva for samspelselementar som skal optimaliserast.

Metoden hjelper omsorgspersonen å sjå barnet sitt i samspel, og gjennom dette oppdage kva behov barnet har i dei ulike situasjonane, kva dei som omsorgsperson kan gjere annleis, samt kva for idear dei har fått til vidare utviklingstøttande tiltak.

For meir informasjon les her.

PMTO

TIBIR-rådgjeving

COS-P

COS-P er eit foreldrerettleiingsprogram som bygger på kunnskap og forsking om tilknytingen si betyding. Ved bruk av filmsnutter som viser samspel mellom foreldre og barn, samt deling og refleksjon i timane, vert det jobba med å bli bevisst barnet sine behov og å reflektere kring seg sjølv som omsorgsperson. Gjennom dette arbeidet får ein og hjelp til å takle eigne reaksjonar /eigen frustrasjon når barnet oppfører seg utfordrande. Ein viktig haldning i COS-P er at foreldre skal være «større, sterkare, klokare og god». Her er den følelsesmessige og reflekterande delen av foreldrepraksisen viktigare enn kunnskapen om teknikkar for å takle barns åtferd. COS-P kan gjevast individelt og i gruppe. Familiehjelpa avd. Florø gjev COS-P individuelt, og avd. Måløy gjev COS-P i grupper.

Les meir her om COS-P her.

Miljøterapi

Tuning In To Kids

TIK kan bli gjeve som tilbod i gruppe eller som individuell oppfølging over 6 – 8 møter. Programmet kan òg kombinerast med andre intervensjonar.

TIK skal hjelpe foreldre og føresette med å

bygge eit nært emosjonelt band mellom seg og barn.
hjelpe barnet med å utvikle sosiale ferdigheiter og redusere utagerande oppførsel.
hjelpe barn med å takle vanskelege kjensler som redsel, sinne, separasjonsangst, tristheit og frustrasjon.
behalde roa når barnet har eit sinneutbrot.
nyte tida med barnet sitt.

Publisert 13.11.2020 10.18

Sist endra 02.03.2023 13.26

Kinn kommune

Foreldrerettleiing

Foreldrerettleiing

TIK skal hjelpe foreldre og føresette med å

TIK skal hjelpe foreldre og føresette med å

Kontakt