Barnehagelova legg til grunn for barnehagemynde si utøving av sitt mynde. Kommunen er lokalt barnehagemynde, og skal sjå til at barnehagane vert drifta i samsvar med regelverket. Barnehagelova gjeld for både kommunale og private barnehageeigarar.

Barnehagemynde har tre verkemiddel til disposisjon

• Rettleiing
• Tilsyn
• Godkjenning

Barnehagemynde si oppgåve er å fatte vedtak om godkjenning av barnehagar, handsame søknadar om dispensasjonar, og finansiere private barnehagar. I tillegg kjem andre oppgåver som følgje av barnehagelova og tilhøyrande forskrifter.

Barnehagemynde kan gi pålegg om retting av ulovlege eller uforsvarlege tilhøve ved godkjende, eller godkjenningspliktige verksemder. Avgjerda om å gi pålegg om retting av uforsvarlege tilhøve skal fungere som ein tryggleik. Mynde gjeld også å fange opp tilhøve som ikkje er direkte regulert i barnehagelova, men som kan føre til uforsvarlege tilhøve for barna sin trivsel, leik, læring og utvikling i barnehagane.

Å sikre at regelverk vert følgd medfører både ein aktivitet for å vurdere risiko for brot på barnehagelova med forskrifter, og ei plikt til å bruke verkemiddel slik at barnehageeigar sin praksis er i samsvar med regelverket. For å sikre rettstryggleiken til alle barnehageeigarar i Kinn kommune, og for å sikre legitimeten av arbeidet er kommunen si eigarrolle i barnehagesektoren, fråskilt frå folla som barnehagemynde.

Meir om barnehagemynde

Du kan lese meir om kommunen si rolle som barnehagemynde på følgande lenker

• Kommunen si rolle som barnehagemynde (Utdanningsdirektoratet)
• Lov om barnehagar (barnehagelova) - Lovdata

Barnehagemynde behandler følgande søknadar

• Dispensasjon frå norm for pedagogisk bemanning
• Dispensasjon frå utdanningskrav
• Dispensasjon frå kravet om norskferdigheiter

Du kan lese om forskrift om pedagogisk bemanning og dispensasjon i barnehagar her.

Det skal vere minimum ein pedagogisk leiar per 14 barn, når barna er over 3 år. Når barna er under 3 år skal det vere minimum ein pedagogisk leiar per 7 barn. Barna vert rekna som over 3 år frå august det året dei fyller 3 år. 

Norma gjeld på barnehagenivå og ein skal difor ta utgangspunkt i det totale tal barn i barnehagen, og ikkje på den einskilde avdeling eller gruppe. Det er tal barn som er grunnlaget, og ikkje tal plassar. Det vil seie at to barn som kvar har 50 prosent plass tel som 2 barn i pedagognorma, sjølv om dei ikkje er i barnehagen på same tid. 

Mellombels dispensasjon frå pedagognorma kan bli gitt for inntil eitt år om gongen, dersom særlege omsyn talar for det. Særlege omsyn skal i det konkrete tilfelle det vert søkt om dispensasjon for, vere til barna sitt beste i den barnehagen det vert søkt for. Kommunen må gjere ei konkret vurdering ved kvart einskilde tilfelle. 

Barnehageeigar skal legge ved uttale frå barnehagen sitt samarbeidsutval i søknaden.

For meir informasjon tar du kontakt med Kinn kommune ved Marion Svarstad Melstveit.

Utdanningskravet skal sikre at personalet har kompetanse til å drive barnehagen. Etter barnehagelova § 24 andre ledd, må styrar i barnehagen ha utdanning som barnehagelærar eller ha anna høgskuleutdanning med barnefagleg og pedagogisk kompetanse. Pedagogiske leiarar må ha utdanning som barnehagelærar. 

Det vert stilt krav om norskferdigheiter for personar med utanlandske yrkeskvalifikasjonar som styrar, eller pedagogisk leiar. 

Utdanningskravet er for å sikre at personalet har nødvendig kompetanse til å drive barnehagen til det beste for barn og foreldre. Det kan likevel bli gitt dispensasjon frå utdanningskravet og/eller kravet om norskferdigheiter dersom barnehagen ikkje greier å skaffe rett utdanna personale. 

Eit av vilkåra for dispensasjon er at det ikkje har meldt seg kvalifisert søkjar, etter at stillinga har vore offentleg utlyst. 

Ein føresetnad for dispensasjon frå utdanningskravet og kravet om norskferdigheiter, er at barnehagen ikkje greier å skaffe rett utdanna personale. Reglane om dispensasjon inneber at barnehagen ikkje kan tilsette ein ikkje-kvalifisert søkar til stilling som styrar eller pedagogisk leiar dersom det ligg til grunn ein eller fleire søkarar til stillinga som oppfyller utdanningskravet etter lova. Forskrifta opnar opp for at ein søkar sine personlege eigenskapar kan bli vektlagt i denne samanheng.

For meir informasjon tar du kontakt med Kinn kommune ved Marion Svarstad Melstveit.

Barnehagen skal ha minst ein arbeidstakar per tre barn når barna er under tre år. Når barna er over tre år skal det vere ein arbeidstakar per seks barn. Barn vert rekna for å vere over tre år frå og med august det året dei fyller tre år. 

Ved grunnbemanning kan ein rekne med prosentvise stillingar. Det vil sei at eit ekstra barn ikkje utløyser krav til ny heiltidsstilling. Eit barn under tre år utløyser behov for 0,33 årsverk, og eit ekstra barn over tre år utløyser 0,17 årsverk.

På lik linje som for pedagognorma, skal barnehagen som heilskap fylle kravet til grunnbemanning. Vilkåra om at det må ligge til grunn særlege omsyn, betyr at det berre unntaksvis er høve til å gje dispensasjon. Kommunen vil føreta ei konkret vurdering av om barnehageeigar gjer ein reell innsats for å skaffe kvalifisert personale. Kommunen vil samstundes vurdere om barnehagen har tilstrekkeleg personale til å drive ei tilfredsstillande pedagogisk verksemd i den perioden det vert søkt dispensasjon for. Dette vil mellom anna avhenge av alder på barna og opphaldstid. Samt den samla kompetansen til bemanninga. Kommunen må føreta ei konkret vurdering i kvart einskilde tilfelle.

For meir informasjon tar du kontakt med Kinn kommune ved Marion Svarstad Melstveit.

Som lokalt barnehagemynde har kommunen ansvar for tilsyn og rettleiing av barnehagane i kommunen. Barnehagemynde skal sjå til at barnehagane føl regelverket. Ansvaret gjeld for kommunale og private barnehagar. Dette medfører at kommunen fører tilsyn med barnehagar som ein driv sjølv. For å sikre rettstryggleiken til alle barnehagar i Sunnfjord kommune, og for å sikre legitimiteten av tilsyns- og rettleiingsarbeidet, er eigarrolla til kommunen i barnehagesektoren skilt frå rolla som barnehagemynde. Kommunalsjef for barnehage er barnehageeigar, og rolla som barnehagemynde ligg under barnehagefagleg rådgjevar. 

Tilsyn kan finne stad gjennom skriftleg dokumentasjon frå barnehagane, og gjennom tilsynsbesøk. Det er ikkje lovpålagt kor ofte og korleis tilsyn skal gjerast. 

Barnehagemynde sitt ansvar er avgrensa til å føre tilsyn etter Lov om barnehagar med forskrifter. Dersom det blir oppdaga brot på andre lover og forskrifter skal dette meldast til gjeldande instans. 

Barnehagelova set skille mellom ansvar og oppgåver til barnehageeigar, og ansvar og oppgåver kommunen har som barnehagemynde. Eigar har eit sjølvstendig ansvar for at barnehagelova med forskrifter vert følgt. Kommunen som barnehagemynde har ansvar for å sjå til at barnehagane blir drivne i samsvar med gjeldande regelverk. 

Å sørge for at regelverket vert følgt inneber aktivitet for å vurdere risiko for brot på barnehagelova med forskifter. I tillegg pliktar ein å bruke verkemidla slik at praksisen til barnehageeigar er i samsvar med regelverket.

Det er kommunen som sit med hovudansvaret for at det blir etablert barnehagar som oppfyller krava i regelverket, og som sikrar barna eit likeverdig pedagogisk tilbod. 

Barnehagar skal vere godkjende av kommunen før verksemda kan starte.

Godkjenningsordninga skal sikre at det vert etablert gode barnehagar. Kommunen skal i etableringsfasen sjå til at barnehagelova sine krav vert følgt, og at det blir lagt opp til ei forsvarleg verksemd.

Dersom ein godkjent barnehage gjer endringar av eit visst omfang, må barnehageeigar melde dette til Kinn kommune som barnehagemynde.

For meir informasjon kontaktar du Kinn kommune ved Marion Svarstad Melstveit.

Som barnehagemynde har kommunen ansvar for godkjenning, tilsyn og rettleiing av barnehagar for å sjå til at barnehagane føl regelverket. Ansvaret gjeld for kommunale og private barnehagar.

I merknad til barnehagelova §10 , barnehagemynde sitt ansvar, står følgjande:
Kommunen skal ved godkjenninga, og gjennom aktiv rettleiing og tilsyn, sjå til at barnehagane i kommunen blir driven i tråd med dei krava som er fastsett i barnehagelova med tilhøyrande forskrifter.

Aktiv og god rettleiing er eit viktig verkemiddel for å ha gode barnehagar, samt for å ha effektiv etablering og drift. 

For Kinn kommune betyr dette å arbeide aktivt inn mot barnehagane, og at ein har eit godt samarbeid mellom barnehagemynde og barnehageeigar. Med utgangspunkt i dei opplysingane kommunen får kjennskap til, skal barnehagemynde rettleie barnehageeigar og barnehagane til å følgje regelverket. Gjennom risikoanalysar og vurderingar skal ein bestemme kva tid det er føremålstenleg å gje rettleiing. 

Målet med rettleiing er å sikre etterleving av regelverk. Dersom rettleiing ikkje fører til endring, er det naudsynt å bruke tilsyn som verkemiddel. Tilsyn kan også gjennomførast utan at ein har prøvd rettleiing først.

For meir informasjon kontaktar du Kinn kommune ved Marion Svarstad Melstveit.

For at det skal vere eit best mogleg samarbeid mellom heim og barnehage bør ein prøve å løyse alle tilbakemeldingar i næraste ledd. Det vil seie at tilbakemeldingar i første omgang kan bli gitt til pedagogisk leiar på avdelinga. Dersom ein ikkje opplever at saka vert løyst kan foreldre/føresette ta kontakt med styrar i barnehagen. Det er barnehagen sin styrar som er ansvarleg for tilbodet, og som skal samarbeide med alle foreldre/føresette. 

Dersom det gjeld generelle forhold i barnehagen, kan ein også ta det opp med barnehagen sitt samarbeidsutval. Alle barnehagar skal ha eit samarbeidsutval som er sett saman av representantar frå foreldre og tilsette i barnehagen, samt ein representant frå barnehageeigar. 

Kinn kommune har ansvar for tilsyn av kommunale og private barnehagar. Statsforvaltaren er klageinstans. 

Er du uroa og ynskjer å gå vidare med klagen din kontaktar du barnehagemynde i Kinn kommune ved Marion Svarstad Melstveit.