3 Stønadstypar og kapitalgrense
Fondet dekkjer i hovudsak tre kategoriar tilskot:
- Investeringstilskot – til investeringar i bygg, utstyr og maskinar. Det vert ikkje gitt stønad til oppføring av bygg.
- Bedriftsutviklingstilskot – til etablerarstipend, kompetanseheving, produktutvikling, marknadsundersøkingar, planlegging, konsulenttenester og opplæring.
- Kunnskapsretta infrastruktur – dette gjeld regionalt samarbeid, etableraropplæring, samarbeid skule/næringsliv, prosjekt og tiltak som kjem til nytte for næringslivet i kommunen/regionen og lokale analysar/utgreiingar.
Syner til årlege vedtak når det gjeld kapitalgrenser i ei arbeidsdeling mellom kommunalt næringsapparat og Innovasjon Noreg:
Søkjar kan motta maksimalt 50 % av totalt kapitalbehov som stønad frå det kommunale næringsfondet. Dei prioriterte gruppene ungdom, kvinner og innvandrarar kan motta opp til 75 % av total budsjett i høve til kapitalgrense. Finansiering av prosjekt/etableringar i kategori 1 og 2 utover det som kommunalt næringsfond maksimalt kan løyve må vere med privat kapital, søkjar kan ikkje få meir støtte av andre offentlege institusjonar (dette gjeld ikkje for prosjekt i kategori 3).